સામાન્ય રીતે, જ્યારે લોકોને પાર્ટી કરવાનું મન થાય છે, ત્યારે તેઓ ક્લબ અથવા પબમાં જાય છે. અહીં લોકો અદભૂત લાઇટિંગ અને લાઉડ મ્યુઝિક વચ્ચે ખાવા-પીવાની મજા લે છે. આ માટે લોકો યોગ્ય આયોજન કરીને ક્લબમાં જાય છે. જો કે, આજે અમે તમને આ સિવાય એક એવી જગ્યા વિશે જણાવીશું, જે ટ્રાવેલનું માધ્યમ છે પરંતુ તેમાં પાર્ટી ચાલી રહી છે.

​​​​​​​હાલમાં સોશિયલ મીડિયા પર આવી જ એક ટ્રેનનો વીડિયો વાયરલ થઈ રહ્યો છે, જે એક નાઈટ ક્લબ જેવી છે. વીડિયોમાં એક અલગ જ નજારો જોવા મળે છે. ટ્રેનમાં બેસવા માટે સીટ મળે છે પરંતુ અહીંનું વાતાવરણ સંપૂર્ણ ક્લબ જેવું લાગે છે.

આ ટ્રેન જર્મનીના ન્યુરેમબર્ગથી ચાલે છે. ટેક્નો ટ્રેન ન્યુરેમબર્ગ, જે ખાસ કરીને સાંજે ચાલે છે, તે સાત કલાકની નોન-સ્ટોપ મુસાફરી આપે છે. આ જગ્યા તેની સંસ્કૃતિના કારણે જ જાણીતી છે. આ ટ્રેન સવાર સુધી મ્યુનિકમાં રોકાય છે, જે મુસાફરોને જર્મનીના ગ્રામીણ અને દૂરના વિસ્તારોના સુંદર દૃશ્યો દર્શાવે છે. લોકો સાંજે જ ટિકિટ લઈને આ ટ્રેનમાં પ્રવેશ કરે છે અને 7 કલાક સુધી નાઈટક્લબનો સંપૂર્ણ આનંદ માણે છે. લાઉડ મ્યુઝિક અને લાઇટ સાથે આ ટ્રેનમાં સવાર થવું એ પોતાનામાં એક અનોખો અનુભવ છે.