યુવાનોને ટોચની કંપનીઓમાં કામ કરવાનો અનુભવ મળે તેવા આશયથી પી.એમ. ઈન્ટર્નશીપ યોજનાનો આરંભ કરવામાં આવ્યો છે. ઈન્ટર્નશીપ માટે જોડાયેલા યુવાનોને 12 માસ માટે માસિક રૂ. 5,000 સ્ટાઇપેન્ડ મળવા પાત્ર છે. આ ઈન્ટર્નશીપ યોજનામાં જોડાવા માટે ઉમેદવારોએ તા. 10 નવેમ્બર સુધીમાં www.pminternship.mca.gov.in પર ઓનલાઈન અરજી કરી શકશે.

ઉમેદવારોની શૈક્ષણીક લાયકાત SSC/HSC,/I.T.I.,/DIPLOMA  /GRADUATE પૂર્ણ કરેલું તેમજ ઉંમર 21 થી 24 વર્ષ, પૂર્ણ સમયની રોજગારી અથવા શિક્ષણ ન મેળવતા તેમજ ઉમેદવારના કુટુંબમાંથી કોઈ સરકારી નોકરીમાં ન હોવા જોઈએ. ઉમેદવારના કુટુંબમાં કોઈ સભ્યની વાર્ષિક આવક મર્યાદા રૂ. 8 લાખ કે તેથી ઓછી હોવી જોઈએ અને રાજ્ય સરકારની કોઈ એપ્રેન્ટીશીપ યોજના કે ઈન્ટર્નશીપ કરેલ ન હોવા જોઈએ.

પી.એમ. ઈન્ટર્નશીપ યોજના અંતર્ગત અરજી કરવા માટે પોર્ટલ પર પ્રોફાઈલ બનાવવી, ઈન્ટર્નશીપમાં અપ્લાય કરવું, અરજી સમયે આધાર નંબર સાથે લીંક ધરાવતો મોબાઈલ નંબર રાખવો, અરજી સમયે આધાર નંબર સાથે સીડ કરાવેલ બેંક એકાઉન્ટની વિગત રાખવી, અરજી સમયે જરૂરી ડોક્યુમેન્ટ જેમ કે આધાર કાર્ડ, શૈક્ષણિક લાયકાતના પ્રમાણપત્રો સાથે રાખવાના રહેશે.

વધુ માહિતી અને માર્ગદર્શન માટે  દેવભૂમિ દ્વારકા જિલ્લા રોજગાર કચેરી તેમજ ખંભાળિયા આઈ.ટી.આઈ.નો સંપર્ક કરવા રોજગાર અધિકારીની એક યાદીમાં જણાવાયું છે.