શહેર ભાજપ અધ્યક્ષ અભય  ચૌહાણની અધ્યક્ષતા અને માર્ગદર્શનમાં  રવિવારના રોજ ભાવનગરના તેર વોર્ડમાં નિ:શુલ્ક મેડિકલ નિદાન કેમ્પનું આયોજન કરવામાં આવ્યું હતું.
જેમાં દર્દીઓને નિ:શુલ્ક હેલ્થ ચેકઅપ, દવાઓ અને ચશ્માનું વિતરણ કરવામાં આવ્યું હતું. દરેક વોર્ડમાં ભાવેણાવાસીઓએ આ સેવાકાર્યનો લાભ લીધો હતો. કેન્દ્રીય રાજ્ય મંત્રી નિમુબેન બાંભણીયા, મેયર ભરત બારડ, ત્રણેય મહામંત્રી ઓ અલ્પેશ પટેલ, નરેશ મકવાણા, પાર્થ ગોંડલીયા, સ્ટે. ચેરમેન રાજુ રાબડીયા સહિત શહેર અને વોર્ડ સંગઠન, ચૂંટાયેલા જનપ્રતિનિધિઓ, વરિષ્ટ આગેવાનો, તમામ સેલ, મોરચા અને સમિતિઓના હોદ્દેદારો આ પ્રસંગે ઉપસ્થિત રહ્યા હતાં. શહેર ભાજપના તમામ જનપ્રતિનિધિઓ, હોદ્દેદારો અને કાર્યકરોએ આ ફ્રી નિદાન મેડિકલ કેમ્પ સેવાકાર્યને સફળ બનાવવા માટે જહેમત ઉઠાવી હતી.