ગુજરાત રાજ્ય યોગ બોર્ડ દ્વારા તૈયાર કરવામાં આવેલા ટ્રેનરો એ પોરબંદર શહેરને યોગમય બનાવી દીધું છે અને અનેક જગ્યાએ નિશુલ્ક યોગ ક્લાસના માધ્યમથી યોગ અને પ્રાણાયામ ની તાલીમ આપવામાં આવે છે. ત્યારે પોરબંદરના વાડી પ્લોટ વિસ્તારમાં શાકમાર્કેટ પાસેના ગાર્ડનમાં ઊર્મિશાબેન પાંજરી દ્વારા મહિલાઓને યોગ અને પ્રાણાયામ શીખવવામાં આવી રહ્યા છે. તેઓએ જણાવ્યું હતું કે શિયાળા ની શ‚આત થઈ ચૂકી છે ત્યારે આ દિવસોમાં કરવામાં આવતા યોગ અને પ્રાણાયામ તન મનની સ્વચ્છતા માટે ખૂબ જ ઉપયોગી સાબિત થાય છે. અહીંયા નિયમિત રીતે બારે માસ યોગ ક્લાસ ચાલે છે અને તેના માધ્યમથી વિશાળ સંખ્યામાં યુવતીઓ અને મહિલાઓને યોગની તાલીમ આપવામાં આવી રહી છે જે તેઓ માટે ખૂબ જ ફાયદાકારક સાબિત થઈ છે.