જામનગરમાં પટેલ કોલોની રોડ નંબર ત્રણ- શેરી નંબર એકમાં ગુરુકૃપામાં રહેતા દિવ્યરાજસિંહ વિક્રમસિંહ સોઢા નામના ૩૭ વર્ષના યુવાને પોતાના મકાનમાંથી ૨૦) નંગ શેર સર્ટીફીકેટ કોઈ ઉઠાવી ગયું હોવાની ફરિયાદ સીટી બી. ડિવિઝન પોલીસ મથકમાં નોંધાવી છે.

પોલીસ ફરિયાદમાં જાહેર કરાયા અનુસાર ફરિયાદી ના મકાનનું આશરે છ મહિના પહેલાં રીનોવેશન કામ ચાલી રહ્યું હતું, જે કામકાજ દરમિયાન તેઓના ખુલ્લા મકાનમાંથી ઉપરોક્ત શેર સર્ટિફિકેટ ગુમ થયા હોવાથી આખરે મામલો સીટી બી. ડિવિઝન પોલીસ મથકમાં લઈ જવાયો હતો, અને પોલીસ હેડ કોસ્ટેબલ વાય એમ વાળા તપાસ ચલાવે છે.