પેડક રોડ પર આવેલા ચાંદીકામના કારખાનામાં આગ ભભૂકી ઉઠી

  • August 06, 2024 03:27 PM 
Aajkaal Daily (Desh Pardesh Ni Aajkaal)


શહેરના પેડક રોડ પર આવેલા જે.કે. ક્રિએશન નામના ચાંદીકામના કારખાનામાં ત્રીજા માળે આજ રોજ બપોરના આગ ભભૂકી ઊઠી હતી. જેની જાણ થતા ફાયર બ્રિગેડની ટીમે અહીં પહોંચી અડધો કલાક પાણીનો મારો ચલાવી આગ પર કાબુ મેળવ્યો હતો. આગ અહીં એસીના કમ્પ્રેસરમાં લાગી હોય અને એક્ઝોસ ફેનના કારણે આગ લાગી હોવાનું માલુમ પડ્યું હતું. આગ લાગ્યા બાદ કારખાનામાં કામ કરતાં કર્મચારીઓએ અગાસી પરથી કૂદી જીવ બચાવ્યો હતો. આગની આ ઘટનામાં સામાન્ય નુકસાન થયું હતું. જોકે આ બિલ્ડીંગનું ફાયર એનઓસી ન હોવાનું માલુમ પડ્યું છે.
આગની આ ઘટના અંગે જાણવા મળતી વિગતો મુજબ, આજરોજ બપોરના સવા એક વાગ્યા આસપાસ ફાયર બ્રિગેડને કોલ મળ્યો હતો કે પેડક રોડ પર બાલાજી હનુમાન પાસે જે.કે. ક્રિએશન નામના કારખાનામાં આગ  લાગી છે. જેથી ફાયર બ્રિગેડની ટીમ તાકીદે અને પહોંચી હતી. અહીં ચાર માળના આ બિલ્ડિંગમાં ત્રીજા મળે આગ લાગી હોવાનું માલુમ પડ્યું હતું. આગ અહીં એસી કમ્પ્રેસરમાં તથા ચાંદીકામ ચાલતું હતું ત્યાં લાગી હોય ફાયર બ્રિગેડના સ્ટાફે અંદાજિત અડધો કલાક પાણીનો મારો ચલાવી આગ પર કાબુ મેળવી લીધો હતો.
વધુમાં જાણવા મળતી વિગતો મુજબ, ચાર માળના આ બિલ્ડિંગમાં પહેલા અને ચોથા મળે ચાંદીકામ ચાલતું હતું અને વચ્ચેના બે માળમાં રેસીડેન્સ છે આગની આ ઘટનામાં કોઈ જાનહાની થવા પામી નથી કે મોટું નુકસાન થયું નથી. આગ લાગી હોવાનું જાણવા મળ્યું હતું. આ કારખાનાના માલિક જયેશભાઈ બાબુભાઈ કોરાટ હોવાનું જાણવા મળ્યું છે.
સૂત્રોમાંથી જાણવા મળેલી વિગતો મુજબ, ચાર માળના આ બિલ્ડિંગમાં ફાયર સેફ્ટીના સાધનો હતા પરંતુ બિલ્ડીંગનું એનઓસી ન હોવાનું જાણવા મળ્યું છે.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application