તળાજાના સરતાનપર ગામે આંબલીના ઝાડ નીચે જુગાર રમી રહેલા બે શખ્સોને એલસીબીએ  રોકડ રૂ.૨૭,૪૦૦ નાં મુદ્દામાલ સાથે  ઝડપી લીધા હતા.   ભાવનગર એલ.સી.બી. પોલીસ સ્ટાફનાં માણસો તળાજા પોલીસ મથક વિસ્તાર માં પેટ્રોલીંગમાં હતાં.તે દરમ્યાન *બાતમી મળેલ કે, સરતાનપર ગામે ટાવરની બાજુમાં આંબલીના ઝાડની નીચે ખુલ્લી જગ્યામાં ગે.કા. રીતે અમુક માણસો  કુંડાળુ વળી પૈસા પાના વતી તીનપત્તીનો હાર જીતનો જુગાર રમે છે. જે બાતમી અંગે રેઇડ  કરી જુગાર રમી રહેલા કરણ દિનેશભાઇ (વેગડ ઉ.વ.૨૦ રહે.ટાવરવાળી શેરી, લાલગેટની સામે, સરતાનપર તા.તળાજા જી.ભાવનગર) અને અર્જુન ગણેશભાઇ ચુડાસમા (ઉ.વ.૧૯ રહે.લવિંગના કુવા પાસે, સરતાનપર તા.તળાજા જી.ભાવનગર)ને ઝડપી લીધા હતા. જ્યારે રેઇડ દરમ્યાન   રાજ રમેશભાઇ ચૌહાણ (રહે.સરતાનપર તા.તળાજા જી.ભાવનગર)નાસી છૂટતા સ્થળ પરથી  રોકડા રૂ.૨૭,૪૦૦ નો મુદ્દામાલ કબ્જે કરી તેને ઝડપી લેવા તજવીજ હાથ ધરી હતી.  આ કામગીરીમાં પોલીસ ઇન્સ.  એ.આર.વાળાના  માર્ગદર્શન હેઠળ એલ.સી.બી. સ્ટાફના અરવિંદભાઇ બારૈયા, અશોકભાઇ ડાભી, તરૂણભાઇ નાંદવા અને પ્રવિણભાઇ ગળસર સહિતના જોડાયા હતા.