તા. 17, 23 તથા 24 નવેમ્બરના રોજ ખાસ ઝુંબેશ

ગુજરાત રાજ્ય મુખ્ય નિવાર્ચન અધિકારી દ્વારા મતદાર યાદી ખાસ સંક્ષિપ્ત સુધારણા કાર્યક્રમનું તા. 28 નવેમ્બર સુધી આયોજન કરવામાં આવ્યું છે. જે અંતર્ગત તા. 17, 23 અને તા. 24 નવેમ્બરના રોજ ખાસ ઝુંબેશના દિવસો તરીકે આયોજન કરવા નક્કી કરાયા છે.

આ ખાસ ઝુંબેશના દિવસોમાં પોતાના વિસ્તારના મતદાન મથક પર સવારે 10 થી સાંજે 5 સુધીમાં મતદાર યાદીમાં નામ નોંધણી, નામ કમી અને મતદારયાદીની વિગતોમાં સુધારો કરાવી શકાશે તેમજ ખાસ ઝુંબેશના દિવસોએ અને ખાસ ઝુંબેશના દિવસો સિવાય પણ Voter Helpline મોબાઇલ એપ તથા voters.eci.gov.in વેબસાઇટ દ્વારા પણ મતદાર યાદીમાં નામ નોંધણી, નામ કમી અને મતદારયાદીની વિગતોમાં સુધારો કરી શકાશે. જેનો જાહેર જનતાને મહત્તમ લાભ લેવા અનુરોધ કરવામાં આવ્યો છે.