ભાવનગર મહાનગરપાલિકા, એસ્ટેટ વિભાગ અને દબાણ હટાવ સેલની ટીમ દ્વારા શહેરના  કાળુભા સેડ પર પુન: થયેલા દબાણો હટાવવાની કામગીરી હાથ ધરવામાં આવી હતી. એસ્ટેટ વિભાગ અને દબાણ હટાવ સેલની ટીમ દ્વારા કાળુભા રોડ પરથી  ૯ લારી, ૨ મંજુરી વગરના બીડ, ૧ ટેબલ તેમજ અન્ય અડચણરૂપ માલસમાન હટાવી  જપ્ત કરાયો હતો.  તેમજ રોડને નડતરરૂપ ૨ વાહનોને લોક મારી   સ્થળ પર જ રૂપિયા ૨૦૦૦નો દંડ વસુલ કરેલ કરાયો હતો. ઉપરાંત શહેરના  વિદ્યાનગર, એમ. જે. કોમર્સ કોલેજની દીવાલેથી અસ્થાથી દબાણ દુર કરી સમાન જપ્ત કરાયો હતો. તેમજ રોડ પર બનાવી દેવાયેલા ૩ ઓટલા તોડી જગ્યા ખુલ્લી કરાવવામાં આવી હતી. શહેરમાં થયેલા દબાણો સામે આગામી સમયમાં કાર્યવાહી જારી રહેશે તેમ એસ્ટેટ વિભાગના સૂત્રોએ જણાવ્યું હતું.