કોઈ પણ વ્યક્તિ મુસીબતમાં હોય ત્યારે પોલીસની મદદ લઇ શકે છે. ખાસ કરીને મહિલાઓ માટે સરકારે અલગથી સુરક્ષા વ્યવસ્થા ગોઠવી છે. પરંતુ ખરેખર આ સાચું છે? તો અનો જવાબ છે ના, હાલમાં જ એક ઘટના સામે આવી છે. જેમાં રાયપુરની 22 વર્ષની યુવતી સાથે એક કોન્સ્ટેબલે કારમાં અને બાદમાં તેના ઘરે તેના પર રેપ કર્યો હતો.

રાજ્ય પોલીસ એકેડમીમાં કોન્સ્ટેબલની પોસ્ટ

પીડિતાની ફરિયાદમાં જણાવાયું છે કે કોન્સ્ટેબલે 4 અને 5 સપ્ટેમ્બરની રાત્રે તેની કારમાં અને બાદમાં તેના ઘરે તેના પર બળાત્કાર કર્યો હતો. આ ઘટના બાદ યુવતીએ ગુરુવારે ફરિયાદ નોંધાવી હતી. જેના પગલે 26 વર્ષીય કોન્સ્ટેબલની ધરપકડ કરવામાં આવી હતી.

વધુ વિગતો આપતાં એક અધિકારીએ જણાવ્યું હતું કે, કોન્સ્ટેબલ રાયપુર નજીક ચાંદખુરીમાં રાજ્ય પોલીસ એકેડમીમાં તૈનાત છે. યુવતીએ ફરિયાદ નોંધાવ્યા પછી તેની બળાત્કાર અને ફોજદારી આરોપો સહિત ભારતીય ન્યાય સંહિતાની વિવિધ જોગવાઈઓ હેઠળ ધરપકડ કરવામાં આવી હતી. ધરપકડ બાદ પોલીસ હવે આરોપી કોન્સ્ટેબલની પૂછપરછમાં કરી છે.