50થી વધારે કાર ભાડેથી મેળવી બારોબાર વેચાણ કરનાર કોઠારીયામાં રહેતા ચીટર સામે પોલીસ કમિશનરે પાસનું વોરંટ ઇશ્યુ કરતા ક્રાઇમ બ્રાંચની ટીમે વોરંટની બજવણી કરી આરોપીને અમદાવાદ મધ્યસ્થ જેલહવાલે કરવા તજવીજ હાથ ધરી છે.

છતરપિંડીથી શહેરમાં 50થી વધારે કાર ભાડેથી મેળવી અને બારોબાર વેચાણ કરનાર અને કોઠારીયા ગામે રહેતો કાનજી ઉર્ફે આકાશ ઉર્ફે આખી ગોગન કોટડીયા(ઉ.વ ૨૮) નામના શખસ સામે ક્રાઇમ બ્રાંચ પીઆઇ એમ.આર.ગોંડલીીયાએ પાસાની દરખાસ્ત તૈયાર કરી પોલીસ કમિશનરે મોકલતા પોલીસ કમિશનર બ્રજેશ ઝાએ મંજૂરીની મહોર લગાવી આરોપી સામે પાસાનું વોરંટ ઇશ્યુ કર્યું હતું.જેથી ક્રાઈમ બ્રાન્ચના સ્ટાફ દ્વારા વોરંટની બજવણી કરી કાનજી આકાશ કોટડીયાની પાસા હેઠળ અટકાયત કરી અમદાવાદ મધ્યસ્થ જેલમાં ધકેલવામાં આવ્યો છે. આરોપી કાનજી ઉર્ફે આકાશ ઉર્ફે અકી સામે રાજકોટના ભકિતનગર, બી ડિવિઝન, ગાંધીગ્રામ, તાલુકા પોલીસ મથકમાં છેતરપિંડીના ગુના નોંધાઇ ચૂકયા છે.