આજે રાજકોટ કલેકટર પ્રભવ જોષીના અધ્યક્ષ સ્થાને લેન્ડ ગ્રેબિંગ સમિતિની બેઠક યોજાઈ હતી. આ બેઠકમાં 3 કેસમાં FIR નોંધાઈ છે.

સમગ્ર મામલે વિગતવાર વાત કરીએ તો કલેકટર પ્રભવ જોષીના અધ્યક્ષ સ્થાને આજરોજ લેન્ડ ગ્રેબિંગ સમિતિની બેઠક યોજાઈ હતી. જેમાં લેન્ડ ગ્રેબિંગને અનુલક્ષીને 47 કેસો પર કમિટી મેમ્બર્સ દ્વારા કેસ સ્ટડી કરવામાં આવ્યું હતું. જે બાદ 3 કેસમાં એફ.આઈ.આર. નોંધવા નિર્ણય લેવામાં આવ્યો હતો. જ્યારે 28 જેટલા કેસ ડ્રોપ કરવામાં આવેલા છે. આ ઉપરાંત અન્ય 16 કેસમાં સમાધાન થયેલ છે. આ બેઠકમાં સંબંધિત વિભાગના અધિકારી, કર્મચારીઓ ઉપસ્થિત રહ્યા હતા.