ગુજરાતમાં સૌથી વધુ ગરમી અમદાવાદમાં નોંધાઈ છે. અમદાવાદમાં ગરમીનો પારો 45.9 ડિગ્રીએ પહોચ્યો છે. જે સામાન્ય કરતા 4 ડિગ્રી વધુ તાપમાન છે. સુરેન્દ્રનગર પણ આકરી ગરમીથી ધગધગી ઉઠ્યું છે. સુરેન્દ્રનગરમાં 45.8 ડિગ્રી તાપમાન નોંધાયું છે. ગુજરાતના પાટનગર ગાંધીનગરમાં 45.7 ડિગ્રીએ પારો અટક્યો છે. રાજ્યના મોટાભાગના શહેરોમાં તાપમાન 44 ડિગ્રીની આસપાસ નોંધાયું છે.

જૂઓ તાપમાન તમારા શહેરનું

અભિનેતા શાહરૂખ ખાનને પણ લાગી લૂ

કોલકત્તા નાઈટ રાઈડર્સના સહમાલિક અને ફિલ્મ સ્ટાર શાહરુખ ખાનને અમદાવાદની 45 ડિગ્રી ગરમીમા લૂ લાગી ગઈ છે. તબિયત બગડતા શાહરુખ ખાન અમદાવાદના એસ જી હાઈવે પરની એક ખાનગી હોસ્પિટલમાં સારવાર અર્થે દાખલ થયો છે. અત્રે ઉલ્લેખનીય છે કે શાહરુખ ખાનની સહમાલિકીની ટીમ કોલકત્તા નાઈટ રાઈડર્સની ગઈકાલે અમદાવાદના નરેન્દ્ર મોદી સ્ટેડિયમમાં સનરાઈઝ હૈદરાબાદ સામે મેચ હતી. આ મેચમાં કોલકત્તાની 8 વિકેટથી જીત થઈ હતી.