ચૂંટણીના પરિણામોમાં હરિયાણા રાજ્યમાં ભાજપનો ત્રીજી વાર ઝળહળતો વિજય થતા ભાવનગર શહેર ભાજપ અધ્યક્ષ અભય ચૌહાણ અને શહેર સંગઠન સહિત કેન્દ્રીય રાજયમંત્રી નિમુબેન બાંભણીયા, પશ્ચિમના ધારાસભ્ય જીતુ વાઘાણી, પૂર્વના ધારાસભ્ય સેજલબેન પંડ્યા, મેયર ભરત બારડ, વરિષ્ટ આગેવાનો, વોર્ડ સંગઠન, જનપ્રતિનિધિઓ, તમામ સેલ, મોરચા અને સમિતિઓના હોદ્દેદારો અને કાર્યકારોએ હરિયાણાની હેટ્રિક જીતને આવકારી હતી.  નિલમબાગ સર્કલ ખાતે પશ્ચિમ વિધાનસભા અને શિવાજી સર્કલ ખાતે પૂર્વ વિધાનસભાના કાર્યકર્તાઓ એકઠા થયાં હતાં અને ફટાકડા ફોડીને તેમજ મીઠાઈઓ વહેંચીને ખુશી વ્યક્ત કરી હતી,  જેમાં મેયર ભરત બારડ, મહામંત્રી અલ્પેશ પટેલ, સ્ટે. ચેરમેન રાજુ રાબડીયા, જીતુ બોરીસાગર સહિત વોર્ડ અને શહેર સંગઠનના હોદ્દેદારો, મહાનગરપાલિકાના ચુંટાયેલા પદાધિકારીઓ અને નગર સેવકો, તમામ સેલ મોરચા અને સમિતિઓના હોદ્દેદારો અને કાર્યકર્તાઓ જોડાયા હતા.