ગુજરાતમાં કોરોના વાયરસ ફરી એકવાર માથું ઊંચકી રહ્યો હોય તેવું લાગી રહ્યું છે. દુનિયાના અલગ-અલગ દેશોમાં કોરોનાના કેસોમાં વધારો જોવા મળી રહ્યો છે ત્યારે ભારતમાં પણ વિવિધ શહેરોમાં નવા કેસો નોંધાઈ રહ્યા છે. અમદાવાદ શહેરમાં આજે 20 મે 2025 ના રોજ એકસાથે સાત નવા કોરોના પોઝિટિવ કેસ નોંધાતા ચિંતા વ્યાપી છે.

આ નવા સાત દર્દીઓમાં 2 વર્ષની બાળકીથી લઈને 72 વર્ષના વૃદ્ધા સુધીના લોકોનો સમાવેશ થાય છે. હાલમાં તમામ સાત દર્દીઓને હોમ આઇસોલેશનમાં રાખવામાં આવ્યા છે.

અમદાવાદમાં નોંધાયેલા સાત પોઝિટિવ કેસની વિગતો:

વટવાનો 15 વર્ષીય કિશોર
નારોલનો 28 વર્ષીય યુવક
દાણી લીમડાના 72 વર્ષીય વૃદ્ધા
બહેરામપુરાનો 30 વર્ષીય યુવક
ગોતાની 2 વર્ષીય બાળકી
નવરંગપુરાના 54 વર્ષીય આધેડ
બોપલના 15 વર્ષીય કિશોર

આ તમામ દર્દીઓને હાલ હોમ આઇસોલેશનમાં રાખવામાં આવ્યા છે. શહેરમાં કોરોનાના કેસો ફરી નોંધાતા આરોગ્ય તંત્ર એલર્ટ બન્યું છે અને લોકોને સાવચેતી રાખવા, માસ્ક પહેરવા અને સામાજિક અંતર જાળવવા અપીલ કરવામાં આવી રહી છે.