ઘરમાંથી હાંકી કાઢયાની ફરિયાદ

જામનગરની વિપ્ર પરણીતાને રાજકોટમાં રહેતા દહેજ ભૂખ્યા સાસરીયાઓએ ત્રાસ ગુજારી દહેજ ની માંગણી સાથે ઘરમાંથી હાંકી કાઢી હોવાથી જામનગરના મહિલા પોલીસ પથકમાં તમામ સાસરિયાઓ સામે દહેજ ધારા ભંગ અંગેની ફરિયાદ નોંધાવી છે.

આ ફરિયાદ અંગેના બનાવની વિગત એવી છે કે જામનગરમાં સરદાર નગર -૪ માં રહેતી અને રાજકોટ પરણાવેલી દીપિકાબેન મનીષભાઈ ઠાકર નામની ૨૧ વર્ષની વિપ્ર પરણીતાને રાજકોટમાં રહેતા તેણીના સાસરિયાઓએ મારકૂટ કરી ત્રાસ ગુજારી દહેજ ની માંગણી સાથે ઘરમાંથી હાથ કાઢી હતી.

જેથી તેણીએ જામનગર આવીને મહિલા પોલીસ મથકનો સંપર્ક સાધ્યો હતો, અને પોતાના દહેજ ભૂખ્યા સાસરીયાઓ પતિ મનીષ વિમલભાઈ ઠાકર, સસરા વિમલભાઈ ચંદુભાઈ ઠાકર, સાસુ મીનાક્ષીબેન વિમલભાઈ ઠાકર, દિયર જતીનભાઈ વિમલભાઈ ઠાકર, નણંદ પાયલબેન રોહિતભાઈ વ્યાસ અને નણદોયા રોહિતભાઈ વ્યાસ સામે ફરીયાદ નોંધાવતાં પોલીસે તમામ સાસરીયાઓ સામે દહેજ પ્રતિબંધક ધારા સહિતની જુદી જુદી કલમો હેઠળ ગુનો નોંધ્યો છે, અને તપાસ નો દોર રાજકોટ સુધી લંબાવ્યો છે.