રાજકોટના યુનિવર્સિટી વિસ્તારમાં થોડા દિવસ પૂર્વે સાત વર્ષની બાળા પર તેના કહેવાતા મામાએ દુષ્કર્મ આચર્યાની ઘટના બની હતી. ત્યારે સાધુ વાસવાણી રોડ પર વધુ એક આવી ચોંકાવનારી ઘટના બનવા પામી છે. જેમાં ૧૩ વર્ષના બાળક સાથે તેના કહેવાતા મામાએ સૃષ્ટ્રિ વિદ્ધનું કૃત્ય કયુ હતું. જે અંગેની જાણ બાળકની માતાને થયા બાદ આ બાબતે યુનિવર્સિટી પોલીસ સ્ટેશન ફરિયાદ નોંધાવવામાં આવી છે. જે ફરિયાદના આધારે પોલીસે આરોપી સામે પોકસો એકટ સહિતની કલમ હેઠળ ગુનો નોંધી આ ૪૫ વર્ષના આ વિકૃત ઢગાની ધરપકડ કરી હતી. આરોપી એકલવાયુ જીવન જીવતો હોય અને કૂંવારો હોવાનું જાણવા મળ્યું છે.
જાણવા મળતી વિગતો મુજબ, શહેરના સાધુવાસવાણી રોડ પરના વિસ્તારમાં રહેતા પરિવારનો ૧૩ વર્ષનો બાળક ગઈકાલ સાંજે ઘર આસપાસ નજરે ન પડતાં તેની માતા બાળકને શોધતી હતી. દરમિયાન પાડોશમાં રહેતા શખસના ઘરે બાળક શંકાસ્પદ હાલતમાં મળી આવ્યો હતો. જેથી આ બાબતે માતાએ બાળકને પૂછતા માલમ પડું હતું કે, પાડોશમાં રહેતો રાકેશ પ્રભુદાસભાઈ ગંગદેવ (ઉ.વ ૪૫) નામનો શખસે બાળકને અહીં બોલાવી તેની સાથે સૃષ્ટ્રિ વિદ્ધનું કૃત્ય આચાર્ય હતું. બાળક પાસેથી આ વાત જાણી તેમના માતા ચોંકી ઉઠયા હતાં.બાદમાં આ બાબતે પરિવારે પોલીસ સ્ટેશનને પહોંચી આરોપી વિદ્ધ આ ફરિયાદ નોંધાવતા યુનિવર્સિટી પોલીસે આરોપી સામે પોકસો એકટ સહિતની કલમો હેઠળ ગુનો નોંધી આરોપી રાકેશ ગંગદેવની ધરપકડ કરી હતી.
વધુમાં જાણવા મળતી વિગતો મુજબ, આરોપી રાકેશ ઝોમેટોમાં ડિલિવરી બોય તરીકે નોકરી કરે છે અને અહીં તે એકલો જ રહે છે. આરોપીને બાળકની માતાએ ધર્મનો ભાઈ બનાવ્યો હોય તેથી તેની સાથે પરિચય હતો અને પાડોશમાં રહેતો હોય બાળક કયારેક તેના ઘરે જોતો હતો. દરમિયાન આરોપીએ ૧૩ વર્ષના માસુમ સાથે આ વિકૃત હરકતો કરી હતી. બનાવ અંગે વધુ તપાસ પીએસઆઇ મશાકપોત્રા ચલાવી રહ્યા છે