ઉત્તર પ્રદેશની સૈફઈ મેડિકલ યુનિવર્સિટીના પાંચ ડોકટરોના માર્ગ અકસ્માતમાં મોત થયા છે. આ અકસ્માત આગરા–લખનૌ એકસપ્રેસ વે પર થયો હતો. તમામ ડોકટર સ્કોર્પિયોમાં લખનઉથી આગ્રા જઈ રહ્યા હતા, આ દરમિયાન તેમની કાર ડિવાઈડર સાથે અથડાઈ અને બીજી લેનમાં પહોંચી, યાં સામેથી આવી રહેલા ટ્રક સાથે અથડાઈ. બુધવારે સવારે ૩ વાગ્યાની આસપાસ આ અકસ્માત થયો હતો.
મળતી માહિતી મુજબ, આગ્રા–લખનૌ એકસપ્રેસ વે પર કન્નૌજના તિરવા વિસ્તારમાં આજે સવારે લગભગ ૩ વાગ્યે એક ભયાનક અકસ્માત થયો હતો. અહીં, એક સ્પીડમાં આવતી સ્કોર્પિયો કાર ડિવાઈડરને અથડાયા બાદ બીજી લેનમાં પહોંચી હતી, યાં સામેથી આવતા એક ટ્રકએ તેને ટક્કર મારી હતી, પરિણામે પાંચ લોકોના મોત થયા હતા. આ અકસ્માતમાં મૃત્યુ પામેલા લોકોની ઓળખ સૈફઈ મેડિકલ યુનિવર્સિટીના ડોકટર તરીકે થઈ છે. આ તમામ પીજી વિધાર્થીઓ હતા.
આ સિવાય કારમાં સવાર એક પીજી સ્ટુડન્ટ ગંભીર રીતે ઘાયલ છે, જેને હોસ્પિટલમાં દાખલ કરવામાં આવ્યો છે. જણાવવામાં આવી રહ્યું છે કે કારમાં સવાર તમામ લોકો લખનઉમાં એક લ સમારોહમાં હાજરી આપીને સૈફઈ પરત ફરી રહ્યા હતા.
તિરવા મેડિકલ કોલેજના પ્રિન્સિપાલ ડો. સી.પી. પાલે જણાવ્યું હતું કે યુપેડાના વાહનમાં ૬ લોકોને અહીં લાવવામાં આવ્યા હતા, જેમાંથી પાંચના મોત થયા હતા અને એક ગંભીર રીતે ઘાયલ થયો હતો.