સિહોરમાં રહેતા પરણિત યુવાને પોતાના ઘરે  કોઈ કારણોસર ગળાફાંસો ખાઈ જીવન ટૂંકાવ્યું હતું. બનાવના પગલે સિહોર પોલીસમાં અપમૃત્યુનો ગુનો નોંધાયો હતો.દિન પ્રતિદિન લોકોની આર્થિક અને માનસિક સ્થિતિમાં બદલાવ જોવા મળી રહ્યો છે. આ સ્થિતિમાં હાલમાં વ્યક્તિ જરૂરિયાત સામે શોખને વધુ પ્રધાન્ય આપી રહ્યો છે. જેના કારણે જરૂરિયાત કરતા વધુ મોજશોખ, દેખાવના કારણે પરિસ્થિતિથી વિપરીત જોવા મળતી હોય છે. હાલમાં પરિવારોમાં સામૂહિક આત્મહત્યાના બનાવોમાં સતત વધારો જોવા મળી રહ્યો છે. શહેરમાં છેલ્લા ૬ મહિનાથી આત્મહત્યા અનેક કિસ્સાઓ સામે આવ્યા છે. જેમાં વધુ એક આપઘાતનો કિસ્સો સામે આવ્યો છે. ઉપલબ્ધ વિગતો મુજબ સિહોરના વિકળિયા ઢાળમાં રહેતા વિશાલ ખત્રી નામના યુવાને ગળાફાંસો ખાઈ મોતને વ્હાલું કર્યું હતું. આ સમસ્યામાંથી  વિશાલે પોતાના ઘરે ગળાફાંસો ખાધો હતો. મૃતદેહ આવી હાલતમાં મળી આવતા સમગ્ર વિસ્તારમાં અરેરાટી વ્યાપી ગઇ હતી. આ બનાવની જાણ થતાં લોકોના ટોળા એકઠા થયા હતા. વિશાલે કયા કારણસર ગળે ફાંસો ખાધો તે જાણવા મળેલ નથી આ બનાવની જાણ સિહોર પોલીસને થતાં સ્ટાફ સાથે ઘટના સ્થળે દોડી ગયા હતા. આ બનાવ સંદર્ભ પોલીસે અપમૃત્યુની નોંધ કરી કાયદેસરની કાર્યવાહી હાથ ધરી હતી.