તળાજા પંથકના રાજપરા તણસા ગામે યુવતીને શોક લાગતા તેનુ મૃત્યુ નિપજવા પામ્યુ હતું. જ્યારે અન્ય બનાવમાં ગોરખી ગામે બે મહિલા સહિત ત્રણ વ્યક્તિ પર હુમલા ની ઘટનાએ ચકચાર જગાવી હતી.
મોત ગમેતે બહાને,ગમેત્યાં આવી શકેતેવું વધુ એક વખત પુરવાર કરતી ઘટના ની મળતી વિગતોમાં રાજપરા(તણસા) ગામે રહેતી યુવતી સંગીતાબેન કાળુંભાઈ ગોહિલ (ઉ.વ.૨૪) ઘરના ઝાંઝરૂ મા જતા આર્થીગ આવતા કરંટ લાગવાના કારણે મૃત્યુ પામેલ.તેઓ રત્ન કલાકાર તરીકે મજૂરીકામ કરતા હતા.તેમને પી.એમ માટે તળાજા લાવવામાં આવેલ. જ્યારે અન્ય એક મારામારીનો બનાવ ગોરખી ગામે બન્યો હતો. જેમાં રૂડીબેન પરષોત્તમભાઈ બારૈયા,રેખાબેન રમેશભાઈ બારૈયા, રમેશ પરષોત્તમભાઈ બારૈયા ઉપર હુમલો કરતા ઇજાઓ સાથે અહીં સારવાર માટે લાવવામાં આવેલ. હુમલો રસ્તાપર ચાલવા બાબતે પાંચાભાઈ, રમેશભાઈ સહિતનાએ કરેલ હોવાનું ઈજાગ્રસ્ત એ જણાવ્યું હતુ.