રાજકોટની યુવતીએ અન્ય ધર્મના યુવાન સાથે પ્રેમલગ્ન કર્યા બાદ પતિ-સાસુનો ત્રાસ

  • April 22, 2025 03:15 PM 
Aajkaal Daily (Desh Pardesh Ni Aajkaal)
રાજકોટમાં માધાપર ચોકડી પાસે મનહરપુરની યુવતીએ અન્ય ધર્મના યુવાન સાથે પ્રેમલગ્ન કર્યા બાદ પતિ અને સાસુ ત્રાસ આપતા હોવાની તેણીએ બી ડિવિઝન પોલીસ મથકમાં ફરિયાદ નોંધાવી છે.


રીબડા ગામે રહેતી સાયમાબેન (ઉ.20)એ નોંધાવેલી ફરિયાદમાં આરોપી તરીકે સાસુ શાંતાબેન કાળુભાઈ અને પતિ મહેશ ઉર્ફે મયુરભાઈ સાગઠિયાના નામ આપ્યા છે. ફરિયાદમાં જણાવ્યું હતું કે,તેમણે ત્રણ મહિના પહેલા મયુર સાથે પ્રેમલગ્ન કર્યા હતા.લગ્ન બાદ તેઓનું માવતર મોરબી રોડ જુના જકાત નાકા પાસે હતું.તેમને કોલેજના બે વર્ષ સુધી અભ્યાસ કર્યો છે.ત્રણેક મહિનાથી તેઓ રિબડા ખાતે રહેવા લાગ્યા હોય અને રહેવા ગયા બાદ સાસુ પણ સાથે રહેતા હતા.પિતાના ઘરેથી ભાગી ફરિયાદી મહિલા પતિ મયુર સાથે ઘંટેશ્વર રહેવા ચાલી ગઈ હતી.


ત્યાં સાસુના ફોનમાં કોઈનો કોલ આવ્યો અને તે કટ થઈ જતા સાસુએ કોલ લગાડવાનું કહેતા ફરિયાદીએ કોલ કરતા પતિએ તેમને ત્રણ ફડાકા મારી દીધા હતા. ફરિયાદી મુસ્લિમ હોય જેથી સાસુ અવાર નવાર ત્રાસ આપતા હતા અને કહેતા કે તે પ્રેમલગ્ન કર્યા છે એટલે બાકી તને ઘરની બહાર કાઢી મુકું અમને તું ગમતી જ નથી. સાસુએ એક વાર કહ્યું કે દીકરા મયુરને એક દેવીપૂજક મહિલાને સાથે રાખી હતી અને તે વાત પતિએ પણ સ્વીકારી હતી અને થોડા દિવસ બાદ પિતા બીમાર હોય ત્યાં મૂકી જવાનું કહેતા મયુર કાર લઇ બહાર મૂકી જતા રહ્યા હતા.તેમજ પતિ મયુરને અન્ય સ્ત્રી સાથે સબંધ હોય તેની સાથે મૈત્રી કરાર કરી રહેતા હોય જેથી ઘરમાં કંકાસ થતો હોય પતિએ ઢીકાપાટુનો મારમાર્યો હતો.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application
Recent News