આથાનો જંગી જથ્થો અને ભઠ્ઠીના સાધનો કબ્જે

દેવભુમી દ્વારકા જીલ્લા એલસીબીએ ભાણવડ નજીક બરડા ડુંગરમાં દેશી દારુના અડા પર ધોષ બોલાવી આથાનો જંગી જથ્થો અને દારુ બનાવવાના સાધનો કબ્જે કર્યા હતા, જો કે આરોપી ફરાર થઇ જતા તેની સામે ગુનો દાખલ કરી તપાસ હાથ ધરી છે.
ભાણવડ નજીક બરડા ડુંગરમાં ધામણીનેશ, વાગડીયા નેશ સહિતમાં દેશી દારુની ભઠ્ઠી ધમધમતી હોવાની પોલીસને બાતમી મળી હતી જેથી જીલ્લા પોલીસની ત્રણેક ટીમોએ ડુંગરમાં પહોચી કોમ્બીંગ હાથ ધર્યુ હતું જે દરમ્યાન નેશ વિસ્તારમાંથી દારુ બનાવવાનો આથો ૮૦૦ લીટર, તેમજ ૧૮૦ લીટર દારુ મળી કુલ ૫૨૦૦નો મુદામાલ કબ્જે કર્યો હતો.
જો કે આ સ્થળેથી આરોપી ભુદા રાજા રબારી નાશી છુટયો હતો વધુમા પોલીસે આ જ નેશમાં પણ દારુ અંગે દરોડો પાડતા તે સ્થળેથી ૧૦૦૦ લીટર આથો મળી કુલ રુા. ૨૦૦૦નો મુદામાલ ઝડપી પાડયો હતો, આ સ્થળે આરોપી પીરા ગલ્લા રબારીી નાશી છુટતા તેને ફરાર જાહેર કરી પોલીસે શોધખોળ કરી છે.
દારુની કાર્યવાહીમાં એલસીબીના એસ.એમ. ચૌહાણ, ઇન્ચાર્જ પી.સી. સીંગરખીયા, સ્ટાફના ઇરફાનભાઇ ખીરા, જે.બ. જાડેજા, નિલેશભાઇ કારેણા, વિપુલભાઇ હેરભા, મસરીભાઇ ભારવાડીયા સહીતના જોડાયા હતા.