ભારતીય હવામાન વિભાગ (IMD)એ મંગળવારે જણાવ્યું કે આ વખતે જૂનથી સપ્ટેમ્બર સુધી ચોમાસું સામાન્ય કરતાં સારું રહેશે. હવામાન વિભાગ 104થી 110 ટકાની વચ્ચેના વરસાદને સામાન્ય કરતાં સારો માને છે. આ પાક માટે સારો સંકેત છે.

IMDના વડા મૃત્યુંજય મહાપાત્રાએ જણાવ્યું કે 2025માં 105% એટલે કે 87 સેન્ટિમીટર વરસાદ થઈ શકે છે. 4 મહિનાના ચોમાસાની સિઝન માટે લોંગ પીરિયડ એવરેજ (LPA) 868.6 મિલીમીટર એટલે કે 86.86 સેન્ટિમીટર હોય છે. એટલે કે ચોમાસાની સિઝનમાં કુલ આટલો વરસાદ થવો જોઈએ.

સામાન્ય કરતાં વધુ વરસાદનો અંદાજ: 

મધ્યપ્રદેશ, રાજસ્થાન, મહારાષ્ટ્ર, ઓડિશા, છત્તીસગઢ, ઉત્તર પ્રદેશ, પશ્ચિમ બંગાળ મરાઠવાડા અને તેની નજીકના તેલંગાણામાં.

સામાન્ય કરતાં ઓછો વરસાદનો અંદાજ: 

બિહાર, જમ્મુ-કાશ્મીર, લદ્દાખ, તમિલનાડુ અને પૂર્વોત્તર રાજ્યોના કેટલાક ભાગોમાં.

ચોમાસું 1 જૂનની આસપાસ કેરળથી આવે છે. 4 મહિનાના વરસાદ પછી એટલે કે સપ્ટેમ્બરના અંતમાં રાજસ્થાનના રસ્તે ચોમાસાની વિદાય થાય છે. ઘણા રાજ્યોમાં તે 15થી 25 જૂનની વચ્ચે પહોંચે છે.