કાલાવડ તાલુકાના નાના-મોટા પાંચદેવડા, છતર, ગોકુલનગર, પાણાખાણ, બેડી રીંગરોડ અને જામનગર શહેર વિસ્તારમાં ૨૫ સ્થળોએ વિજ ચોરી પકડાઇ

પીજીવીસીએલ દ્વારા ચેકીંગ ડાઇવ ચાલું જ રહી છે ત્યારે ગઇકાલે કાલાવડ અને જામનગરના ગ્રામ્ય વિસ્તારમાંથી ગઇકાલે રુા.૧૪.૧૦ લાખની વિજ ચોરી પકડાઇ છે, બે દિવસમાં ૨૦.૯૪ લાખની વિજ ચોરી પકડવામાં તંત્ર સફળ થયું છે, આગામી દિવસોમાં હજુ વધુ ચેકીંગની કાર્યવાહી કરવામાં આવશે તેમ જાણવા મળે છે.
ગઇકાલે કાલાવડ તાલુકાના નાના-મોટા પાંચદેવડા, છતર, ઉપરાંત ગોકુલનગર, પાણાખાણ, બેડી રીંગ રોડ અને જામનગર શહેર વિસ્તારના દરોડા પાડવામાં આવ્યા હતાં, ગઇકાલે પીજીવીસીએલની ૧૬ ટીમ દ્વારા ૨૦૨ કનેકશનો ચેક કરવામાં આવ્યા હતાં જેમાં ૨૫માંથી વિજ ચોરી પકડવામાં આવી હતી અને રુા.૧૪.૧૦ લાખનો દંડ ફટકારવામાં આવ્યો હતો, એસઆરપીના ૧૦, ૬ પોલીસમેન હાજર રહ્યા હતાં.
પીજીવીસીએલ દ્વારા બે દિવસમાં ૨૦.૯૪ લાખની વિજ ચોરી પકડવામાં આવી છે, સતત વિજ ચેકીંગ થઇ રહ્યું છે, એક તરફ પીજીવીસીએલના અધિક્ષક ઇજનેર સામે ખુદ ઇજનેરોએ આંદોલનના મંડાણ શરુ કર્યા છે, બીજી તરફ સતત ચેકીંગ કરવામાં આવી રહ્યું છે.