ઈઝરાયેલના એક દુશ્મનના મોતની પુષ્ટિ કરવામાં આવી છે. ઇઝરાયલે કહ્યું છે કે, હમાસના ટોચના સૈન્ય કમાન્ડર મોહમ્મદ દૈફને જુલાઈમાં માર્યો ગયો હતો. મોહમ્મદ દૈફ 7 ઓક્ટોબરે ઈઝરાયેલ પર થયેલા હુમલાનો માસ્ટરમાઈન્ડ હતો. હવાઈ હુમલામાં મોહમ્મદ દૈફનું મોત થયું હતું. ઇઝરાયેલની સેનાએ ગુરુવારે એક નિવેદન જારી કરીને કહ્યું હતું કે હમાસના લશ્કરી કમાન્ડર મોહમ્મદ દૈફ જુલાઈમાં હવાઈ હુમલામાં માર્યો ગયો હતો. આ હવાઈ હુમલો ગાઝાના દક્ષિણ વિસ્તાર ખાન યુનિસમાં કરવામાં આવ્યો હતો. ઇઝરાયેલ સેનાનું આ નિવેદન હમાસની રાજકીય પાંખના વડા ઇસ્માઇલ હાનિયાના મૃત્યુના એક દિવસ બાદ જ આવ્યું છે. ઈરાનની રાજધાની તેહરાનમાં બુધવારે હાનિયાની હત્યા કરવામાં આવી હતી.
ખાન યુનિસમાં હવાઈ હુમલામાં માર્યો ગયો હતો
ઈઝરાયેલની સેનાએ કહ્યું કે, તેમને થોડા કલાકો પહેલા જ બાતમી મળી હતી કે જુલાઈમાં જ મોહમ્મદ દૈફનું મૃત્યુ થઈ ગયું છે. ઈઝરાયેલી સેનાએ 13 જુલાઈએ ખાન યુનિસ વિસ્તારમાં સ્થિત એક કમ્પાઉન્ડને નિશાન બનાવીને હવાઈ હુમલો કર્યો હતો. આ હુમલામાં મોહમ્મદ દૈફ માર્યો ગયો હતો. ઈઝરાયેલની સેનાને માહિતી મળી હતી કે, મોહમ્મદ દૈફ આ કમ્પાઉન્ડમાં આવ્યો છે. દૈફના આગમનની જાણ થતાં જ કમ્પાઉન્ડ પર હવાઈ હુમલો કરવામાં આવ્યો હતો, પરંતુ આ હુમલામાં દૈફ માર્યો ગયો હતો કે નહીં તેની પુષ્ટિ થઈ શકી નથી. હવે પુષ્ટિ પર, ઇઝરાયેલી સેનાએ તેને મોટી સફળતા ગણાવી છે. ઇઝરાયેલના એક મંત્રીએ કહ્યું છે કે હમાસનો અંત નજીક છે.
ઇઝરાયેલ પર હુમલા પાછળ મોહમ્મદ દૈફ માસ્ટરમાઇન્ડ હતો
મોહમ્મદ દૈફ (58 વર્ષ) હમાસના ઇઝ અલ-દિન અલ કાસમ બ્રિગેડના કમાન્ડર હતા અને લગભગ બે દાયકા સુધી આ પદ સંભાળ્યું હતું. દૈફને ઇઝરાયેલનો સૌથી મોટો દુશ્મન અને હમાસની લશ્કરી શક્તિ પાછળનું મુખ્ય બળ માનવામાં આવતું હતું. ઈઝરાયેલમાં 7 ઓક્ટોબરે થયેલા હુમલા પાછળ મોહમ્મદ દૈફને માસ્ટરમાઈન્ડ માનવામાં આવે છે. તે હુમલામાં 1200 લોકો માર્યા ગયા હતા અને અઢીથી વધુ લોકોને બંધક બનાવવામાં આવ્યા હતા.
મે 2021માં ઇસ્લામના ત્રીજા સૌથી પવિત્ર સ્થળ અલ અક્સા પર ઇઝરાયલીઓએ હુમલો કર્યા પછી આરબ અને મુસ્લિમ સમુદાયોમાં ગુસ્સો હતો. રમઝાન દરમિયાન ઇઝરાયેલ અલ અક્સા મસ્જિદમાં પ્રવેશતા, પૂજા કરનારાઓને માર મારતા, તેમના પર હુમલો કરતા અને વૃદ્ધો અને યુવાનોને મસ્જિદમાંથી બહાર ખેંચતા હોવાના ફૂટેજ સામે આવ્યા પછી જ હમાસે ઇઝરાયેલ પર હુમલાની યોજના શરૂ કરી. હુમલા બાદ દૈફે એક રેકોર્ડિંગમાં કહ્યું હતું કે, 'આજે અલ અક્સા પરના હુમલાને લઈને અમારા લોકોનો ગુસ્સો બહાર આવ્યો છે. અમારા મુજાહિદ્દીન, આજે તમારો દિવસ આ ગુનેગાર (ઈઝરાયેલ)ને સમજાવવાનો છે કે તેનો સમય પૂરો થઈ ગયો છે. દાઈફ ખૂબ જ ગુપ્ત રીતે જીવતો હતો અને તેના મિશનને પાર પાડતો હતો. દાઈફના ઠેકાણા વિશે પણ કોઈને ખબર નહોતી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકેશોદ-મુંબઈ વિમાની સેવા બંધ થતાં વેપારીઓ અને પર્યટન ક્ષેત્રને ફટકો, પુનઃ શરૂ કરવાની માગ
April 03, 2025 09:09 PMઅમેરિકામાં તોફાનથી ભયંકર તબાહી, લાખો ઘરોની વીજળી ગુલ, પૂર આવવાનો પણ ખતરો
April 03, 2025 09:07 PMલંડનથી મુંબઈ આવી રહેલી ફ્લાઈટ ટર્કી પહોંચી, 200થી વધુ ભારતીયો 15 કલાકથી ફસાયા, જાણો શું છે કારણ
April 03, 2025 09:05 PM4 એપ્રિલની ગાંધીધામ-પાલનપુર-ગાંધીધામ એક્સપ્રેસ આંશિક રીતે રદ રહેશે
April 03, 2025 09:02 PMCopyright © 2022-2023 Aajkaal Daily
Developed by Rhythm Infotech