ભારતીય ક્રિકેટ ટીમે 17 વર્ષ બાદ T20 વર્લ્ડ કપની ફાઈનલ ટ્રોફી જીતી છે. ભારતીય ક્રિકેટ ટીમની આ જીત પર તમામ બોલિવૂડ સેલેબ્સે તેમને જીત માટે અભિનંદન પાઠવ્યા છે. અભિનેત્રી આલિયા ભટ્ટે પણ પોતાના ઈન્સ્ટાગ્રામ પર ટીમ ઈન્ડિયાની જીત અંગે પોસ્ટ કરી છે. આલિયા ભટ્ટના કોમેન્ટ બોક્સમાં મોટાભાગના લોકોએ ટીમ ઈન્ડિયાને અભિનંદન પાઠવ્યા છે. જો કે, તેમની પોસ્ટના સમયને લઈને કેટલાક ટ્રોલ્સે તેમને ટ્રોલ કર્યા છે.

આલિયા ભટ્ટે પોતાના ઈન્સ્ટાગ્રામ પર ટીમ ઈન્ડિયાના ખેલાડીઓની એક તસવીર શેર કરી છે. પોસ્ટ શેર કરતી વખતે તેણે લખ્યું - "આપણે જીત્યા, ખુશીના આંસુ, અભિનંદન ટીમ ઈન્ડિયા!!! શું જીત છે !!!" તેણે તેની પોસ્ટમાં બ્લુ હાર્ટ અને ટ્રોફીની ઈમોજીસ પણ પોસ્ટ કરી છે.

આલિયા ભટ્ટે આજે આ પોસ્ટ કરી છે. આ અંગે કેટલાક ટ્રોલ તેને ટ્રોલ કરી રહ્યા છે. વાસ્તવમાં, ટ્રોલ્સ તેને ટ્રોલ કરી રહ્યા છે કારણ કે તેણે જીતના બીજા દિવસે પોસ્ટ કરી હતી. તેના કમેન્ટ સેક્શનમાં એક ઈન્સ્ટા યુઝરે લખ્યું કે સારું છે, તમે કીધું, અમને તો ખબર જ નતી. બોવ જલ્દી કહી દીધું તમે ? તે જ સમયે અન્ય એક યુઝરે લખ્યું કે શું તમે રાત્રે સૂઈ ગયા હતા ? જ્યારે, એકે લખ્યું- રણબીર અમે જાણીએ છીએ કે તમે આ પોસ્ટ કર્યું છે. એક યુઝરે પૂછ્યું કે તે આટલા લાંબા સમય સુધી ક્યાં હતી? મેચ પણ નથી જોઈ, આલિયાએ આજે જ સમાચાર સાંભળ્યા અને હવે છેક પોસ્ટ કર્યું છે.

આમિર ખાન, સની દેઓલ, રણવીર સિંહ, વિકી કૌશલ, કાજોલ, અજય દેવગન, અમિતાભ બચ્ચન સહિત ઘણા બોલિવૂડ સ્ટાર્સે ભારતીય ટીમને દક્ષિણ આફ્રિકા સામેની જીત પર અભિનંદન પાઠવ્યા છે.