જામનગરમાં શહેર અને ઝોનકક્ષાની એથ્લેટિકસ સ્પર્ધાનું આયોજન કરાયું 

ક્રિકેટ બંગલો ખાતે યોજાયેલ સ્પર્ધામાં કુલ ૫૬૫ ખેલાડીઓએ ભાગ લીધો 

જામનગર તા.૧૪ ઓકટોબર,રાજ્ય સરકારનાં રમત-ગમત, યુવા અને સાંસ્કૃતિક પ્રવૃત્તિઓ વિભાગ હેઠળની સ્પોર્ટ્સ ઓથોરીટી ઓફ ગુજરાત ગાંધીનગર દ્વારા આયોજીત અને જિલ્લા રમત ગમત અધિકારી, જામનગર શહેર દ્વારા સંચાલીત અખીલ ભારતીય શાળાકીય રમતોની સ્પર્ધા (SGFI) – ૨૦૨૪-૨૫ની ઝોનકક્ષા અને મહાનગરપાલીકા કક્ષાની એથ્લેટીક્સ અં. ૧૪,૧૭ અને ૧૯ વયજૂથની ભાઇઓ અને બહેનોની સ્પર્ધાનું આયોજન તા.૯ થી ૧૧ ઓકટોબર દરમિયાન અજીતસિંહજી ક્રિકેટ પેવેલીયન(ક્રિકેટ બંગલો), જામનગર ખાતે જિલ્લા રમત ગમત અધિકારી દ્વારા કરવામાં આવ્યુ હતુ.

આ સ્પર્ધામાં કુલ ૩૨૫ ભાઇઓ અને ૨૪૦ બહેનો એમ કુલ ૫૬૫ ખેલાડીઓએ ભાગ લીધો હતો. જેમાં દરેક વયજૂથ અને કેટેગરીમાં વિજેતા થયેલાં ખેલાડીઓ અખીલ ભારતીય શાળાકીય રમતોની સ્પર્ધા (SGFI) – ૨૦૨૪-૨૫ રાજ્યકક્ષાએ એથ્લેટીક્સ સ્પર્ધામાં ભાગ લેશે. તેમ જામનગર જિલ્લા રમતગમત અધિકારીશ્રીની યાદીમાં જણાવવામાં આવ્યું છે. 
++++++