વિંછીયાના થોરીયાળી ગામના યુવાનની વિંછીયામાં ઘાતકી હથીયારોના ઘા ઝીંકી સરાજાહેર હત્યા કરાયાના બનાવથી રોષ ભભુકી ઉઠયો છે. ગેરકાયદે બાંધકામ સામે અવાજ ઉઠાવી લેન્ડ ગ્રેબીંગની અરજી કરનાર યુવાનની હત્યાના આરોપીઓને તાત્કાલીક પકડીને કડક કાર્યવાહી કરવામાં આવે તેવી માગણી સાથે આજે વિંછીયા રોષભેર બધં રહ્યું છે. પોલીસે ચાર સામે ગુનો નોધી અમરાપરના એકને સકંજામાં લઈ અન્યને ઝડપી લેવા દોડધામ આદરી છે.
બનાવની પોલીસના સુત્રોમાંથી મળેલી પ્રાથમીક વિગતો મુજબ વિંછીયામાં ગેરકાયદે બાંધકામ તથા આવા કારસ્તાન થતાં હોવાથી થોરીયાળીના ઘનશ્યામ લમણભાઈ રાજપરાએ લેન્ડ ગ્રેબીંગ હેઠળ કાર્યવાહી કરવા સંબંધીત સરકારી તંત્રમાં અરજી કરી હતી. ટ્રાન્સપોર્ટનું કામ ધરાવતા ઘનશ્યામે કરેલી ફરિયાદ અરજીના પગલે આવા ધંધાર્થીઓને ઘનશ્યામ ખટકવા લાગ્યો હતો. બે દિવસ પહેલા તા.૨૯ના રોજ ઘનશ્યામ આઈસર લઈને વિંછીયા રીપેરીંગ કામ માટે આવ્યો હતો.
યુવાન વિંછીયામાં હતો એ સમયે જ જસદણના વાગદરા ગામના પેથા ગભરૂભાઈ સાબર તથા અન્ય ત્રણ શખસો સહિતના હથીયારો સાથે ધસી આવ્યા હતા. ઘનશ્યામ પર કુહાડી, ધોકાથી સરાજાહેર ખુની હત્પમલો કર્યેા હતો અને નાસી છૂટયા હતા. ગંભીર રીતે ઘવાયેલા ઘનશ્યામને પ્રથમ વિંછીયા ખાતે સારવારમાં લઈ જવાયો હતો. જયાં હાલત ગંભીર હોવાથી તાત્કાલીક રાજકોટ ખસેડવામાં આવ્યો હતો. રાજકોટ સારવાર દરમિયાન યુવકે દમ તોડતા બનાવ હત્યામાં પલટાયો હતો.
હત્યાના પગલે વિંછીયા પંથકમાં ભારે રોષ ફાટી નીકળ્યો હતો. પોલીસે મૃતકના પિતા લમણભાઈ શિવાભાઈ રાજપરાની ફરિયાદના આધારે વાગદરાના પેથા ગભરૂભાઈ સાબર તેમજ તેની સાથે રહેલા અન્ય ત્રણ શખસો સામે ગુનો નોંધાવ્યો છે. બનાવને લઈને થોરીયાળી તેમજ વિંછીયામાં પોલીસનો બંદોબસ્ત ગોઠવી દેવામાં આવ્યો છે. હત્યા ફિલ્મોમાં થતી હત્યાઓ જેવી સરેઆમ હત્પમલો કરી થયેલી હત્યામાં આરોપીઓને તાત્કાલીક પકડી પાડવા રોષભેર માંગ ઉઠી છે.
વિંછીયા સડ બંધનું એલાન આપ્યું હતું. આજે વિંછીયામાં સવારથી જ ધંધા–રોજગાર, દુકાનો બધં રહી હતી અને હત્યાનો રોષપુર્ણ વિરોધ વ્યકત કર્યેા હતો. આરોપીઓને તાત્કાલીક પકડવા અને કડક પગલા લેવાની માગણી સાથે બધં પડાયો છે. પોલીસે અમરાપરના બીજલ નામના એક શખસને સકંજામાં લઈને અન્ય આરોપીને ઝડપી લેવા તજવીજ હાથ ધરી છે. કોઈ અનિચ્છનીય બનાવ ન બને તે માટે પોલીસ અધિકારીઓ પણ ઉતરી આવ્યા છે અને ચુસ્ત પેટ્રોલીંગ સાથે બંદોબસ્ત ગોઠવી દેવાયો છે
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationરાજકોટ TRP અગ્નિકાંડ બાદ મનપાના વધુ એક અધિકારી ACBના સકંજામાં, 75 લાખની અપ્રમાણસર મિલકતનો ખુલાસો
April 02, 2025 08:49 PMગુજરાતમાં કાળઝાળ ગરમી: સુરેન્દ્રનગર સૌથી ગરમ શહેર, હવામાન વિભાગની હીટવેવની આગાહી
April 02, 2025 08:40 PMડીસા બ્લાસ્ટ કેસ: સરકાર દ્વારા કમિટીની રચના, 15 દિવસમાં રિપોર્ટ સોંપશે
April 02, 2025 07:48 PMઈદ પર એટલા ગોલગપ્પા ખાધા કે 213 બાંગ્લાદેશી હોસ્પિટલમાં દાખલ થયા, 14ની હાલત ગંભીર
April 02, 2025 07:41 PMCopyright © 2022-2023 Aajkaal Daily
Developed by Rhythm Infotech