દ્વારકા તાલુકાના ધીણકી ગામે રહેતા ભરતભાઈ ડાયાભાઈ ભાભી નામના 40 વર્ષના યુવાન શનિવારે સાંજના સમયે તેમના મોટરસાયકલ પર બેસીને જઈ રહ્યા હતા, ત્યારે એકાએક અકસ્માતે બાઈક સ્લીપ થઈ જતા તેમને માથાના ભાગે ગંભીર ઈજાઓ થવા પામી હતી. જેના કારણે તેમનું મૃત્યુ નીપજ્યું હતું. આ બનાવ અંગેની જાણ પ્રકાશભાઈ હમીરભાઈ ભાભી (ઉ.વ. 30, રહે. ભાટિયા)એ દ્વારકા પોલીસને કરી છે.

ખંભાળિયા નજીકથી પીધેલો કાર ચાલક ઝડપાયો

ખંભાળિયા - દ્વારકા હાઈવે પર અત્રેથી આશરે 10 કિલોમીટર દૂર પોલીસે રૂ. સાડા ત્રણ લાખની કિંમતની ઈક્કો મોટરકાર લઈને નીકળેલા ભાવનગર જિલ્લાના સિહોર તાલુકાના આંબલા ગામના મૂળ રહીશ ઉપેન્દ્રસિંહ પ્રવિણસિંહ ગોહિલ (ઉ.વ. 32)ને ઝડપી લઇ, તેની સામે જુદી જુદી કલમ હેઠળ કાર્યવાહી કરી હતી.