ભાવીક કિરણભાઈ સિતાપરા ( ઉ.વ.૨૩ રહે.જુના ગણેશનગર શેરી નં.૮, કોઠારીયા ચોકડી પાસે, રાજકોટ) દ્વારા આજીડેમ પોલીસ મથકમાં નોંધાવવામાં આવેલી ફરિયાદમાં આરોપી તરીકે શિવરાજસિંહ પરમાર અને દર્પણ પાનસુરીયાના નામ આપ્યા છે.

યુવાને ફરિયાદમાં જણાવ્યું હતું કે, તે સોરઠીયાવાડી પાસે આવેલ શ્રીરામ ટ્રાવેલ્સમાં ફોર વ્હીલ ડ્રાઈવીંગ કામ કરે છે. યુવાનને દવાખાનાના કામે તેમજ બીજા માણસોને રૂપીયા આપવાના હોય જેથી ગઈ ત.૧૭/૦૧/૨૦૨૫ ના રોજ તેણે મિત્ર દર્પણ પાનસુરીયાને ફોનથી જણાવેલ કે, મારા પિતાજીના નામનું એક્સેસ જેના રજી.નં.G J 03 NL 1293 ગીરવે મુકી રૂ.૫૦,૦૦૦ લેવા છે તેવી વાત કરી હતી. જેથી દર્પણે શિવરાજસિંહ પરમાર જે ખોડીયાર ટેકરી હુડકો ચોકડી ખાતે રહે છે. ત્યાં જઈ રૂબરૂ મળવાનું કહેતા અને ત્યાં રાજકોટ-અમદાવાદ હાઈવે સર્વિસ રોડ પાસે જઈને ઉભું રહેવાનું કહેતા યુવાન અહીં ગયો હતો તે વખતે શિવરાજસિંહ પરમાર તથા દર્પણ ત્યાં આવ્યા હતા અને તે વખતે મને આ શિવરાજસિંહ પરમારે રૂ.૪૫,૦૦૦ રોકડા આપ્યા હતાં. અને તેમાં ૧૦ ટકા વ્યાજના રૂ.૫૦૦૦ કાપીને આપ્યા હતા. અને યુવાન પાસે એક્સેસની આર.સી.બુક માંગ તા જે યુવાન પાસે ન હોય જેથી તેણે દર્પણ સાથે સમજી લેવાનું જણાવ્યું હતું.

બાદમાં યુવાને શિવરાજસિંહ પરમારને તેના મોબાઇલ નંબર ઉપર રૂ.૫૦૦૦ લેખે બે અઠવાડીયાનું વ્યાજ આપ્યું હતું. તેમજ દર્પણ પાનસુરીયા ને રૂ.૫૦૦ મેં ગુગલ પે એકાઉન્ટથી આપેલ હતા. બાદમાં આ શિવરાજસિંહ યુવાન તથા તેના પિતા કિરણભાઈને ફોન કરી વ્યાજના રૂપીયાની ઉઘરાણી કરી મને જેમ ફાવે તેમ ગાળો આપી જો વ્યાજના રૂપીયા નહીં આપ તો મારી નાખવાની ધમકી આપી રૂપીયા આપવા દબાણ કરતા હતો.યવાન ટ્રાવેલ્સમાં ડ્રાઈવીંગ કરવા નીકળી ગયેલ હતો. અને આ શિવરાજસિંહ પરમાર ડરના લીધે ઘરે આવતો ન હતો. ત્યારબાદ પણ યુવાન અને તેના પિતાને દર્પણ પાનસુરીયાએ ફોન કરી શિવરાજસિંહને વ્યાજના રૂપીયા આપી દેવા દબાણ કરી જેમ ફાવે તેમ ગાળો આપતો હતો. અને છેલ્લા ત્રણ-ચાર દીવસથી ઘરે પરત આવી યુવાને આ બાબતે પિતાને વાત કર્યા બાદ ફરિયાદ નોંધાવી છે.જે ફરિયાદના આધારે પોલીસે મની લેન્ડ એકટની કલમ હેઠળ બંને આરોપી સામે ગુનો નોંધી કાયદેસરની કાર્યવાહી કરી હતી.