એલસીબીનો દરોડો : ૧૦ હજારની મત્તા અને સાહિત્ય કબ્જે

જામજોધપુરના ગાંધી ચોક વિસ્તારમાંથી એક શખ્સને વર્લી મટકાનો જુગાર રમતા એલસીબીએ પકડી લીધો હતો, ૧૦ હજારની રોકડ અને સાહિત્ય કબ્જે કર્યુ હતું.
જામનગર જીલ્લા એસપી પ્રેમસુખ ડેલુએ જામનગર જીલ્લામાથી દારુ જુગારની બદી નેસ્ત નાબુદ કરવા તથા પ્રોહીબીશન ધારાના કેસો શોધી કાઢવા અંગે સુચના કરેલ હોય જેથી એલસીબી ઇન્ચાર્જ પીઆઇ બી.એન. ચૌધરીના માર્ગદર્શન મુજબ પીએસઆઇ આર.કે. કરમટા, પીએસઆઇ પી.એન. મોરી તથા સ્ટાફના માણસો જામજોધપુર પોલીસ સ્ટેશન વિસ્તારમાં પ્રોહી જુગારના કેશો શોધી કાઢવા અંગે પેટ્રોલીંગમાં હતા.
દરમ્યાન સ્ટાફના પોલીસ હેડ કોન્સ ધાનાભાઇ મોરી તથા ક્રિપાલસિંહ જાડેજાને મળેલ ખાનગી હકીકત આધરે જામજોધપુર ગાંધીચોક વિસ્તારમા આરોપી નિકુંજ જેન્તી ગોર (ઉ.વ.૪૦) રહે. ભાટીયા ધર્મશાળા, ભાલોડીયા દેવભુવનની બાજુમાં જામજોધપુરવાળો જાહેરમાં વર્લી મટકાના આંકડા લખી જુગાર રમી રમાડી પૈસાની હારજી કરી જુગાર રમતા વર્લી મટકાનું સાહિત્ય તથા રોકડા રુા. ૧૦૨૫૦ના મુદામાલ સાથે મળી આવતા પકડી પાડી આરોપી વિરુઘ્ધ પો.હેડ કોન્સ અરજણભાઇ કોડીયાતરએ ફરીયાદ રીપોર્ટ આપતા પોલીસ એડ કોન્સ વનરાજભાઇ મકવાણાએ જુગારધારા હેઠળ કાયદેસરની કાર્યવાહી કરી હતી.