ભારત સરકારના આરોગ્ય મંત્રી અને પોરબંદર લોકસભા ભારતીય જનતા પાર્ટીના કદાવર ઉમેદવાર ડો.મનસુખ માંડવિયા ગત રાત્રે પોરબંદરના સાંસદ રમેશભાઇ ધડુક સાથે તેમના નિવાસસ્થાને શુભેચ્છા મુલાકાત કરી હતી. સાથે સાથે સૌરાષ્ટ્ર ક્ષત્રિય સમાજમાં આગવું નામ ધરાવતા અને સેવાભાવી હકુભા વાળા પૂર્વ ધારાસભ્ય જયરાજસિંહ જાડેજા, ગોંડલ ભાજપના યુવા અગ્રણી ગણેશભાઇ જાડેજા, ધોરાજી ઉપલેટાના પૂર્વ ધારાસભ્ય પ્રવિણભાઇ માકડિયા સાથે પોરબંદર લોકસભા બેઠક ઉપર વધુ લીડ કેમ મળે તે માટે રણનિતિ ઘડી હતી. આ સાથે મનસુખભાઇ માંડવિયાએ ક્ષત્રિય દાનવિર હકુભા સાથે લંબાણપૂર્વક ચર્ચા કરી હતી.