શહેરના ગંજીવાડા વિસ્તારમાં જાહેરમાં વર્લીનો જુગાર રમાડી રહેલા ત્રણ શખસોને પીસીબીની ટીમે ઝડપી લીધા હતાં.તેની પુછતાછમાં બે શખસોના નામ ખુલ્યા હતાં.જયારે યુનિવર્સિટી પોલીસે યુનિ.રોડ પર ઝવેરચદં મેઘાણી ટાવર પાસે જાહેરમાં વર્લીનો જુગાર રમતા વૃધ્ધને ઝડપી લીધા હતાં.
જાણવા મળતી વિગતો મુજબ, પીસીબીના ઇન્ચાર્જ પીઆઇ એમ.આર.ગોંડલીયાની રાહબરીમાં સ્ટાફ પેટ્રોલીંગમાં હતો દરમિયાન મળેલી બાતમીના આધારે ભાવનગર રોડ પર ગંજીવાડા પાસે હનુમાનજી મંદિરની સામે જાહેરમાં વર્લીના આંકડા લખી જુગાર રમાડી રહેલા ત્રણ શખસોને ઝડપી લીધા હતાં.જેમાં સબીર અલીમોહમદભાઇ ઠેબા(ઉ.વ ૩૨), ફિરોજ અભરામભાઇ પલેજા(ઉ.વ ૫૦) અને પિન્ટુ મહેશભાઇ મેવાડા(ઉ.વ ૨૯) નો સમાવેશ થાય છે.પોલીસે તેમની પાસેથી રોકડ અને મોબાઇલ સહિત .૧૪,૩૦૦ નો મુદામાલ કબજે કર્યેા હતો.જયારે આ શખસોની પુછતાછમાં તે મયુરસિંહ ઉર્ફે મહાવિરસિંહ ભરતસિંહ ઝાલા અને હાન આમદભાઇ દલ પાસે કપાત કરાવતા હોવાનું સામે આવ્યું હતું.જેથી પોલીસે પાંચેય સામે ગુનો નોંધી અન્ય બે આરોપીઓને ઝડપી લેવા તપાસ હાથ ધરી છે.
જયારે અન્ય એક દરોડામાં યુનિવર્સિટી પોલીસે યુનિ.રોડ પર ઝવેરચદં મેઘાણી ટાવરમાં રહેતા નરેશભાઇ કાંતીલાલ બુધ્ધદેવ(ઉ.વ ૬૨) નામના વૃધ્ધને ઘર પાસે વર્લીનો જુગાર રમતા ઝડપી લઇ તેની પાસેથી .૨,૨૫૦ ની રોકડ કબજે કરી હતી.