છત્તીસગઢના રાજનાંદગાંવથી એક મોટી દુર્ઘટનાના સમાચાર સામે આવ્યા છે, જેમાં વીજળી પડવાથી આઠ લોકોના મોત થયા છે. મૃત્યુ પામેલાઓમાં ચાર બાળકો પણ સામેલ છે. મળતી માહિતી મુજબ, આ ઘટના સોમની પોલીસ સ્ટેશન વિસ્તારના જોરાતરાય ગામમાં બપોરે લગભગ 1 :30 કલાકે બની હતી.

કેટલાક લોકો પાનની દુકાન પાસે રોકાયા હતા, ત્યારે અચાનક વીજળી પડી અને ત્યાં હાજર બાળકો અને અન્ય લોકો તેની ઝપેટમાં આવી ગયા હતા. આ અકસ્માતમાં આઠ લોકોના ઘટનાસ્થળે જ મોત થયા હતા. અન્ય એક વ્યક્તિ ગંભીર રીતે દાઝી ગયો હતો અને તેને સારવાર માટે હોસ્પિટલમાં દાખલ કરવામાં આવ્યો છે.

ઘટના સ્થળે પહોંચ્યા અધિકારીઓ

ઘટનાની માહિતી મળતા જ કલેક્ટર, એસપી અને અન્ય અધિકારીઓ ઘટના સ્થળે પહોંચી ગયા હતા. આરોગ્ય વિભાગની ટીમ પણ ત્યાં પહોંચી ગઈ છે. ઘટનાને લગતી વધુ માહિતીની હાલ રાહ જોવાઈ રહી છે.