શહેરના કણબીવાડમાં રહેતા ચિંતનભાઈ જગદિશભાઈ પટેલે ગંગાજળીયા પોલીસ મથકના પીઆઈને લેખીત રજુઆત કરી હતી કે, ચાર દિવસ પહેલા તેઓના ભાઈ નિશીતભાઈ પટેલ ઉપર માસાભાઈ આહિર સહીત સાત શખસે હુમલો કર્યો હતો પરંતુ પોલીસે ફરીયાદમાં એક નામ દર્શાવી અન્ય અજાણ્યા દેખાડ્યા હતા. સાત વ્યક્તિ હોવા છતા ચારનો ઉલ્લેખ કરવામાં આવ્યો હતો. પોલીસને સીસીટીવી ફુટેજ પણ આપ્યા છે. છતા ઉલ્લેખ કર્યો નથી. ત્યારે તેઓના ભાઈનું વિશેષ નિવેદન લઈ અન્ય હકીકતનો ઉમેરો કરવા માંગ કરી હતી અને જો કાયદેસર કાર્યવાહી નહીં કરવામાં આવે તો સામાજીક આંદોલન કરવાની ફરજ પડશે તેમ ચીમકી ઉચ્ચારી હતી.