સંજય લીલા ભણસાલીની વેબ સિરીઝ હીરામંડીને મિશ્ર પ્રતિસાદ મળી રહ્યો છે. કેટલાક કલાકારોની એક્ટિંગના ખૂબ વખાણ થઈ રહ્યા છે તો કેટલાક ટ્રોલ થઈ રહ્યા છે. આ સિરીઝની સ્ટારકાસ્ટ ઘણી મોટી છે. આ સીરિઝમાં રિચા ચઢ્ઢા લજ્જોની ભૂમિકામાં જોવા મળી છે અને તેના ખૂબ વખાણ થઈ રહ્યા છે. રિચા ચઢ્ઢાએ એક સીન માટે દારૂ પીધો હતો. જે બાદ તેની હાલત એવી થઈ ગઈ કે શૂટિંગ અધવચ્ચે જ રોકવું પડ્યું. રિચાએ આ સીન માટે 30-40 ટેક આપ્યા હતા પરંતુ તે પરફેક્ટ સીન આપી શકી ન હતી, ત્યારબાદ તેણે દારૂ પીધો હતો.

રિચા ચઢ્ઢાએ લજ્જોના પાત્ર માટે મેથડ એક્ટિંગનો આશરો લીધો. તે રિયલ લાઈફમાં દારૂ પીતી નથી પરંતુ હીરામંડીના એક સીન માટે તેણે દારૂ પીધો હતો. જે બાદ તેની હાલત દયનીય બની ગઈ હતી.

દ્રશ્ય માટે પીધી દારૂ
​​​​​​​

રિચા ચઢ્ઢાએ તેના નશામાં ડાન્સ સિકવન્સ વિશે વાત કરી. તેણે કહ્યું- 'પહેલા જ દિવસે મારે નશામાં ડાન્સ કરવાનો હતો, હું તે કરી શકતી નહોતી. 30-40 ટેક લીધા પછી, મેં વિચાર્યું કે હું એક ક્વાર્ટર પીશ અને જોઉં કે શું થાય છે. મેં થોડું જિન પીધું. મેં થોડું પીધું પરંતુ તેનાથી વસ્તુઓ વધુ ખરાબ થઈ. મને શરીરની હલચલમાં થાક નહોતો જોઈતો. રિચાએ આગળ કહ્યું- દારૂ પીવાની એક્ટિંગ કરવાને બદલે નશામાં હોય તેવી એક્ટિંગ કરવી વધુ સરળ છે. આ એક ટેક્નિકલ જોબ છે. મારો ડ્રેસ ખૂબ જ ભારે હતો. આ કામ કરવું મારા માટે આનંદદાયક હતું.

ડાન્સ સીન માટે આપ્યા  99 ટેક
 

રિચા ચઢ્ઢા તાજેતરમાં જ પોતાના ડાન્સ સીન વિશે વાત કરી હતી. તેને ડાન્સ માટેના ટેક વિષે વાત કરતા કહ્યું કે મેં મારી સદી લગભગ પૂરી કરી લીધી હતી. તમે જાણો છો કે આ સરળ નથી. લોકોને તે સરળ લાગે છે. કલ્પના કરો કે તમારી સામે 200-300થી વધારે  લોકો જોઈ રહ્યા છે અને તમે તેને યોગ્ય રીતે કરી શકતા નથી. પરંતુ જ્યારે તમે તે મેળવો છો, ત્યારે તમને સારું લાગે છે. 'વાહ મને ખબર ન હતી કે હું આ કરી શકું છું.'

હીરામંડીમાં સોનાક્ષી સિન્હા, મનીષા કોઈરાલા, સંજીદા શેખ, શર્મિન સેગલ, અદિતિ રાવ હૈદરી, રિચા ચઢ્ઢા, શેખર સુમન, ફરદીન ખાન અને અધ્યાન સુમન જેવા ઘણા સેલેબ્સ જોવા મળ્યા છે. તે નેટફ્લિક્સ પર રિલીઝ કરવામાં આવી છે.