જુનાગઢ શહેર પંથકના અલગ અલગ પોલીસ સ્ટેશનના નાસ્તા ફરતા આરોપીઓને અટક કરવા આદેશ અન્વયે એલસીબી દ્વારા શહેરના પાંચ પોલીસ સ્ટેશનમાં હત્યા સહિતના વિવિધ પ્રકારના 107 ગુનાઓમા સંડોવાયેલ કાળા દેવરાજ રાડાને બિલખા રોડ કેન્દ્રીય વિદ્યાલય પાસેથી ઝડપી લીધો હતો.
ઝડપાયેલ ઈસમ સામે પોલીસ પર હુમલો ઉપરાંત વ્યાજ હત્યાના પ્રયાસ,  સહિતના અનેક ગુનાઓ નોંધાયા છે. એલસીબીની ટીમને મળેલ બાતમીને આધારે પીઆઇ પટેલ સહિતની ટીમે વોચ ગોઠવી હતી અને બિલખા રોડ પાસે વાડી વિસ્તારમાં તપાસ કરતા સ્થળ પરથી કાળા દેવરાને ઝડપવા જતા પોલીસને જોઈ ભાગવા જતો હતો તે દરમિયાન એલસીબીએ તેને ઝડપી લીધો હતો. અત્રે ઉલ્લ ેખનીય છે કે જુનાગઢ શહેરમાં કાળા દેવરાજ સામે બી ડિવિઝન હેઠળ 46, તાલુકા પોલીસ સ્ટેશનમાં 34, એ ડિવિઝન હેઠળ14, સી ડિવિઝન હેઠળ  8, જેતપુર શહેરમાં એક અને તાલુકા પોલીસ સ્ટેશન હેઠળ બે મળી કુલ 107 ગુનાઓ નોંધાયા છે.ઝડપાઈ જતા પોલીસને મોટી સફળતા મળી છે.