નવી દિલ્હી

આવતીકાલે નવા નાણાકીય વર્ષની શરૂઆત સાથે, ઘણા નિયમો બદલાવા જઈ રહ્યા છે, જેની સીધી અસર તમારા ખિસ્સા પર પડી શકે છે. ૧ એપ્રિલ, ૨૦૨૫ થી, બેંકિંગ, જીએસટી, આવકવેરા અને ડિજિટલ ચુકવણી જેવા ઘણા ક્ષેત્રોમાં ફેરફારો લાગુ કરવામાં આવશે, જેની અસર દરેક સામાન્ય નાગરિક અને ઉદ્યોગપતિના ખિસ્સા પર પડશે.

૧. યુપીઆઈ નિયમોમાં ફેરફાર

નેશનલ પેમેન્ટ કોર્પોરેશન ઓફ ઈન્ડિયા (એનપીસીઆઈ) 1 એપ્રિલ, 2025થી જે લાંબા સમયથી નિષ્ક્રિય છે તેવા મોબાઇલ બેંકોના યુપીઆઈ વ્યવહારો બંધ કરવા જઈ રહી છે. એટલે કે, જો કોઈ જૂનો નંબર તમારા બેંક ખાતા સાથે લિંક થયેલો હોય, જે લાંબા સમયથી બંધ છે, તો યુપીઆઈ વ્યવહારો ચાલુ રાખવા માટે, તમારે 1 એપ્રિલ, 2025 પહેલા તમારા બેંક ખાતા સાથે એક નવો નંબર લિંક કરવો પડશે. જો આ કાર્ય પૂર્ણ નહીં કરો, તો યુપીઆઈ દ્વારા વ્યવહાર કરવામાં મુશ્કેલીઓનો સામનો કરવો પડી શકે છે.

2. નિષ્ક્રિય ખાતા બંધ કરવામાં આવશે.

૧ એપ્રિલ, ૨૦૨૫ થી, એનપીસીઆઈ (નેશનલ પેમેન્ટ્સ કોર્પોરેશન ઓફ ઈન્ડિયા) છેતરપિંડી અને ફિશિંગ કૌભાંડોને રોકવા માટે છેલ્લા ૧૨ મહિનામાં ઉપયોગમાં ન લેવાયેલા યુપીઆઈ આઈડીને બંધ કરશે. જે યુઝર્સ તેમના નિષ્ક્રિય યુપીઆઈ આઈડીને ફરીથી એક્ટીવ કરતા નથી તેઓ તેમને સંપૂર્ણપણે ગુમાવી શકે છે. તેથી, કોઈપણ વિક્ષેપ વિના ડિજિટલ ચુકવણી કરવા માટે ડોર્મન્ટ એકાઉન્ટ્સ યુપીઆઈ આઈડી ફરીથી સક્રિય કરવું પડશે.

૩. હવે એફડી વધુ ફાયદાકારક બનશે

જો તમે ફિક્સ્ડ ડિપોઝિટમાં રોકાણ કરો છો, તો તમારા માટે સારા સમાચાર છે. ૧ એપ્રિલથી, બેંકો એફડી, આરડી અને અન્ય સમાન બચત યોજનાઓ પર ૧ લાખ રૂપિયા સુધીના વ્યાજ પર ટીડીએસ કાપશે નહીં. આ લીમીટ વરિષ્ઠ નાગરિકો માટે નક્કી કરવામાં આવી છે, પહેલા તેમના માટે આ લીમીટ 50 હજાર રૂપિયા હતી, જે હવે વધારીને 1 લાખ રૂપિયા કરવામાં આવી છે. તે જ સમયે, અન્ય રોકાણકારોને પણ રાહત આપવામાં આવી છે, અને તેમના માટે આ લીમીટ 40 હજાર રૂપિયાથી વધારીને 50 હજાર રૂપિયા કરવામાં આવી છે. એટલે કે, જો કોઈ વરિષ્ઠ નાગરિકને એક વર્ષમાં એફડી પર 1 લાખ રૂપિયા સુધીનું વ્યાજ મળે છે, તો તેના પર કોઈ ટીડીએસ કાપવામાં આવશે નહીં. વરિષ્ઠ નાગરિકો માટેની મર્યાદા બમણી કરવામાં આવી છે, જેનાથી તેમને ઘણો ફાયદો થશે.

૪. બચત ખાતાના વ્યાજ દરોમાં ફેરફાર

1 એપ્રિલથી ઘણી બેંકો બચત ખાતા અને એફડી પરના વ્યાજ દરોમાં ફેરફાર કરવા જઈ રહી છે. એસબીઆઈ બેંક, એચડીએફસી બેંક, ઇન્ડિયન બેંક, પંજાબ એન્ડ સિંધ બેંક અને આઈડીબીઆઈ બેંક જેવી ઘણી બેંકોએ તેમના એફડી અને સ્પેશિયલ એફડી પરના વ્યાજ દરોમાં ફેરફાર કર્યો છે. તમે બેંકની વેબસાઇટ પર જઈને 1 એપ્રિલથી લાગુ થતા વ્યાજ દરો ચકાસી શકો છો.

5. ડિવિડન્ડ મેળવવા માટે પાન-આધાર લિંક કરવું પડશે

જો તમારું પાન-આધાર લિંક કરેલ નથી, તો 1 એપ્રિલથી શેર પર ડિવિડન્ડ મળશે નહીં. આ સાથે, મૂડી લાભ પર ટીડીએસ કપાત પણ વધશે અને ફોર્મ 26એએસમાં કોઈ ક્રેડિટ મળશે નહીં.

૬. ડીમેટ-મ્યુચ્યુઅલ ફંડ ખાતાના નિયમો કડક રહેશે

સેબીએ મ્યુચ્યુઅલ ફંડ અને ડીમેટ ખાતા ખોલવાના નિયમો વધુ કડક બનાવ્યા છે, નવા નિયમો મુજબ બધા રોકાણકારોએ તેમના કેવાયસી અને નોમિની વિગતો ફરીથી અપડેટ કરવી જરૂરી છે. જો નહીં કરો, તો ડીમેટ ખાતું ફ્રીઝ થઈ શકે છે. જોકે, ફ્રીઝ ખાતાને ફરીથી સક્રિય કરી શકો છો.

7. બચત ખાતામાં લઘુત્તમ બેલેન્સ જાળવવું જરૂરી

૧ એપ્રિલથી, જો બચત ખાતામાં લઘુત્તમ બેલેન્સ નહીં રાખો, તો બેંકો તમારા પર દંડ લાદી શકે છે. અલગ-અલગ બેંકો માટે લઘુત્તમ બેલેન્સ મર્યાદા અલગ-અલગ હોઈ શકે છે, તેથી દંડથી બચવા માટે તમારી બેંકની નીતિઓને સમજવી મહત્વપૂર્ણ છે.

૮. જીએસટી નિયમોમાં ફેરફાર

ભારત સરકાર નવા નાણાકીય વર્ષમાં જીએસટીના નિયમોમાં મોટો ફેરફાર કરવા જઈ રહી છે. આ અંતર્ગત, ઇનપુટ સર્વિસ ડિસ્ટ્રિબ્યુટર (આઈએસડી) સિસ્ટમ 1 એપ્રિલ, 2025 થી લાગુ થવા જઈ રહી છે. આ ફેરફારનો હેતુ રાજ્યો વચ્ચે કર આવકના વાજબી વિતરણની ખાતરી આપવાનો છે.

9. એલપીજી ગેસ સિલિન્ડરના ભાવમાં ફેરફાર થશે

દર મહિનાની શરૂઆતમાં, એલપીજી ગેસ સિલિન્ડરના ભાવની પહેલા સમીક્ષા કરવામાં આવે છે અને પછી તેમાં સુધારો કરવામાં આવે છે. ૧ એપ્રિલથી, તેલ કંપનીઓ ઘરેલુ અને કોમર્શિયલ ગેસ સિલિન્ડરના ભાવમાં ફેરફાર કરી શકે છે, જેની સીધી અસર તમારા ખિસ્સા પર પડશે. ગેસ સિલિન્ડરની કિંમત દર મહિને આંતરરાષ્ટ્રીય તેલના ભાવ અને ડોલર-રૂપિયાના વિનિમય દરના આધારે નક્કી કરવામાં આવે છે.

૧૦. નવા કર નિયમો લાગુ કરવામાં આવશે

આકારણી વર્ષ ૨૦૨૫-૨૬ સત્તાવાર રીતે ૧ એપ્રિલથી શરૂ થશે. આનો અર્થ એ થયો કે હવેથી નવી કર પ્રણાલી ડિફોલ્ટ રહેશે. જો કોઈ કરદાતા 80સીનો લાભ મેળવવા માટે જૂની કર વ્યવસ્થા હેઠળ કર ભરવા માંગે છે, તો તેણે આ વિકલ્પ અલગથી પસંદ કરવો પડશે.