જામનગર નજીક મોટી ખાવડી માં રહેતા એક યુવાન પર રિવર્સમાં આવી રહેલી બોલેરો ગાડી હેઠળ ડાબો પગ ભાંગી ગયો છે, અને માથામાં ઇજા થઈ છે. જે અકસ્માત અંગે બોલેરો ચાલક સામે ફરિયાદ નોંધાવાઈ છે.

આ અકસ્માતના બનાવની વિગત એવી છે કે જામનગર નજીક મોટીખાવડીમાં ખાનગી કંપનીની ટાઉનશીપમાં રહેતા જયેશભાઈ ચંદ્રકાંતભાઈ કારીયા નામના એક યુવાનને રિવર્સમાં આવી રહેલા જીજે ટેન ટી એસ ૮૪૫૧ નંબર ના બોલેરો ના ચાલકે હડફેટમાં લઈ લેતાં તેના ડાબા પગ પરથી બોલેરોનું વિલ ફરી વળ્યું હતું, અને ફ્રેક્ચર સહિતની ઈજા થઈ છે. ઉપરાંત માથામાં પણ ઈજા થઈ છે.

જે અકસ્માતના બનાવ અંગે મેઘપર પોલીસ મથકમાં બોલેરો ના ચાલક ચમનગીરી ગોસાઈ સામે ફરિયાદ નોંધાવાઈ છે. જ્યારે ઇજાગ્રસ્તને સારવાર અપાઈ છે.