વર્તમાન સમયમાં મધ્યમ વર્ગના પરિવારનું બજેટ થોડું તગં થઈ ગયું છે. શહેરોમાં ખરીદી થોડી ઓછી થઈ ગઈ છે. પરંતુ એનો અર્થ એ નથી કે લોકો બિલકુલ ખર્ચ નથી કરી રહ્યા. તેના બદલે, ખર્ચ કરવાની રીત બદલાવી રહ્યા છે. મોંઘવારીના મારના કારણે લોકો રોજિંદા ઉપયોગની વસ્તુઓના મોટા પેકેટના બદલે નાના પેકેટ ખરીદવા તરફ વળ્યા છે.
બીજી તરફ, લોકો ઝવેરાત અને ઇલેકટ્રોનિક સામાન જેવી ટકાઉ અને મોંઘી વસ્તુઓ ખરીદવા માટે ઈએમઆઈ અને સરળ હાઓનો આશરો લઈ રહ્યા છે. વિજય સેલ્સના ડિરેકટર નીલેશ ગુાના જણાવ્યા અનુસાર ૭૫ ટકાથી વધુ કન્યુમર ડુરેબલ્સ ઈએમઆઈ પર ખરીદવામાં આવી રહ્યા છે. ૫ વર્ષ પહેલાં આ આંકડો ૫૫ થી ૬૦ ટકા હતો.
પેનાસોનિક લાઇફ સોલ્યુશન્સ ઇન્ડિયાના એમડી ફુમિયાસુ ફુજીમોરી કહે છે કે સરળ ફાઇનાન્સ અને ઓછી ઈએમઆઈને કારણે, મધ્યમ વર્ગ હવે મોંઘા ઉત્પાદનો ખરીદવા સક્ષમ છે. તેમનું કહેવું છે કે લોકો આઈઓટી વાળા સ્માર્ટ ઉપકરણો, ઇન્વર્ટર એસી અને ટોપ લોડ વોશિંગ મશીન ખરીદી રહ્યા છે. થિંક ટેન્ક પ્રાઈઝ અનુસાર, વાર્ષિક ૫ લાખથી ૩૦ લાખ પિયાની કમાણી કરતા પરિવારો મધ્યમ વર્ગમાં આવે છે. ક્રેડિટ કાર્ડ કંપનીઓ અને બ્રાન્ડસ ખરીદદારોને ઈએમઆઈ પર આફર્સ પ્રદાન કરે છે, જેના કારણે આ ટ્રેન્ડ વધી રહ્યો છે.
નિલેશ ગુા માને છે કે આરબીઆઈ દ્રારા રેપો રેટમાં ઘટાડો કરવાથી બ્રાન્ડસ વધુ સારા ઈએમઆઈ વિકલ્પો ઓફર કરી શકશે. નિલેશ ગુા કહે છે કે કોવિડ પછી, લોકો નવા અને સારા ઉત્પાદનો ખરીદી રહ્યા છે અને આ ટ્રેન્ડ હજુ પણ ચાલુ છે.
હાયર એપ્લાયન્સિસ ઇન્ડિયાના પ્રમુખ એનએસ સતીશ કહે છે કે બજેટમાં આપવામાં આવેલી રાહતને કારણે લોકોના ખિસ્સામાં વધુ પૈસા આવશે. આનાથી શહેરી અને મહત્વાકાંક્ષી ગ્રાહકોમાં મોંઘા ઉત્પાદનોની માંગ વધુ વધશે. પારલે પ્રોડકટસના વીપી મયકં શાહ કહે છે કે આવકવેરામાં મુકિતને કારણે લોકો વધુ પૈસા બચાવશે. પરંતુ તેઓ આ પૈસા ઈએમઆઈ પર કન્યુમર ડુરેબલ્સ ખરીદવામાં રોકાણ કરી શકે છે. આનાથી એફએમસીજી પરનો ખર્ચ ઓછો થઈ શકે છે.
ઈએમઆઈ ગ્રાહકોને નાના હામાં ઉત્પાદન માટે ચૂકવણી કરવાની મંજૂરી આપે છે. ઈય–પાર્થેનોનના ભાગીદાર અંગુમાન ભટ્ટાચાર્ય કહે છે કે આ ટ્રેન્ડ ચાલુ રહેશે કારણ કે મોટાભાગના લોકો પાસે મોટી રકમ ખર્ચવા માટે બચત નથી. રોજગારીનું સર્જન અને પગારમાં વધારો એ વપરાશ વધારવાના વાસ્તવિક ઉકેલો છે. ભટ્ટાચાર્ય કહે છે કે લોકોની આકાંક્ષાઓ વધી રહી છે, પરંતુ પગાર એટલી ઝડપથી વધી રહ્યો નથી. પર્સનલ કેર, નાસ્તા અને સાબુ જેવી વસ્તુઓમાં નાના પેકેટની માંગ વધી રહી છે. લોકો તેમના બજેટનું સંચાલન વધુ સારી રીતે કરવા માંગે છે. સિપ્લા હેલ્થના સીઈઓ અને એમડી શિવમ પુરી કહે છે કે આ વલણ મધ્યમ વર્ગમાં સૌથી વધુ જોવા મળે છે. પ્રીમિયમ સેગમેન્ટમાં પણ લોકો નાના પેકેટ ખરીદી રહ્યા છે.