ડીસામાં ફટાકડા ફેક્ટરીમાં થયેલા ભયાનક વિસ્ફોટની તપાસ માટે ગુજરાત સરકારે ઉચ્ચ અધિકારીઓની કમિટીની રચના કરી છે. આ કમિટી 15 દિવસમાં પોતાનો રિપોર્ટ સરકારને સોંપશે. આ કમિટીમાં IAS, IPS, FSL ચીફ અને એન્જિનિયર સહિત પાંચ ઉચ્ચ અધિકારીઓનો સમાવેશ કરવામાં આવ્યો છે.

ડીસાના ઢુંવા રોડ પર ફટાકડા ફેક્ટરીમાં થયેલા વિસ્ફોટમાં 21 લોકોના મોત થયા હતા, જેના કારણે સમગ્ર રાજ્યમાં શોકની લાગણી ફેલાઈ હતી. આ ઘટનાની ગંભીરતાને ધ્યાનમાં રાખીને સરકારે તાત્કાલિક SITની રચના કરી છે.

SITમાં સામેલ અધિકારીઓ:

ભાવિન પંડ્યા (IAS અધિકારી, સેક્રેટરી લેન્ડ રીફોર્મ્સ, મહેસુલ વિભાગ) - અધ્યક્ષ

વિશાલ વાઘેલા (IPS અધિકારી, નાયબ પોલીસ મહાનિરીક્ષક)

એચ.પી સંઘવી (ડાયરેક્ટર ફોરેન્સિક સાયન્સ લેબોરેટરી)

જે.એ ગાંધી (ચીફ એન્જિનિયર માર્ગ અને મકાન વિભાગ)

આ કમિટી ડીસા બ્લાસ્ટ કેસની વિસ્તૃત, વિશ્લેષણાત્મક અને તટસ્થ તપાસ કરશે અને 15 દિવસમાં સરકારને પોતાનો રિપોર્ટ સોંપશે.

આ ઘટના બાદ સરકારે તત્કાલીન પગલાં લીધા હતા, જેમાં ફરાર આરોપી પિતા-પુત્રની ધરપકડનો સમાવેશ થાય છે. હવે SITની રચનાથી આ કેસની તપાસ વધુ ઝડપી અને પારદર્શક બનશે તેવી આશા છે.