પોરબંદરમાં સિટી બસના ડ્રાઇવરોને ટ્રાફિક નિયમ અંગે માર્ગદર્શન આપવામાં આવ્યુ હતુ.પોરબંદરના પોલીસ વડા ભગીરથસિંહ જાડેજાની સુચના અને માર્ગદર્શન અનુસાર પોરબંદર શહેરમાં આવેલ સુદામાચોક  સીટી બસ સ્ટેન્ડ ખાતે ટ્રાફિક અવરનેશ કાર્યક્રમનું આયોજન કરવામાં આવ્યુ હતુ,
જેમાં પોરબંદર મહાનગરપાલિકા દ્વારા સંચાલિત તમામ સીટી બસના ડ્રાઈવર અને સંચાલકને વાહન અકસ્માત ન સર્જાય તે માટે જ‚રી કાયદાકીય માર્ગદર્શન આપવામાં આવ્યુ હતુ.વાહન ઓવર સ્પીડમાં ન ચલાવવા, રોગસાઈડમાં વાહન ન ચલાવવા, વાહનના પાર્કિંગ બાબતે, વાહન ચલાવતી વખતે મોબાઈલ ફોનનો ઉપયોગ ન કરવા તેમજ  તેમની અને લોકોની સલામતી અને સુરક્ષા માટે સાવચેતી અને કાળજીપુર્વક ડ્રાઈવિંગ કરવા અને ટ્રાફિકના નિયમોનું ચુસ્તપણે પાલન કરવા અને ગુડ સમરીટન  (રાહવીર યોજના) બાબતે જરૂરી કાયદાકીય માર્ગદર્શન આપવામાં આવ્યુ હતુ તેમજ લોકોને માર્ગ સુરક્ષા માટેના સોનેરી નિયમોની પત્રિકાનું વિતરણ કરવામાં આવ્યુ હતુ.