હવામાન વિભાગની આગાહી અનુસાર હાલ સમગ્ર રાજ્યમાં સાર્વત્રિક વરસાદ જોવા મળી રહ્યો છે ત્યારે રાજકોટ જિલ્લાના તમામ તાલુકાઓમાં જોરદાર વરસાદ નોંધાયો છે. જે મુજબ સવારના ૬ વાગ્યાથી ૨૦ કલાકમા વિંછીયામા ૯૦, કોટડા સાંગાણીમાં ૪૧, જામકંડોરણામાં ૨૨, લોધિકામા ૪૯, જેતપુર ૧૮, ધોરાજી ૧૬, જસદણમા ૨૩, ગોંડલમા ૧૪, ઉપલેટા ૭, રાજકોટમા ૧૫ અને પડધરીમા ૧મી.મી. વરસાદ કુલ ૨૯૬મી.મી વરસાદ નોંધાયો છે.

   
જેમાં સાંજના ૧૮ થી ૨૦ માત્ર ૨ કલાક દરમિયાનમા જ વિંછીયા ખાતે ૯૦ મીમી એટલે કે ૩.૫ ઈંચથી વધુ વરસાદ નોંધાયો છે.જે છેલ્લા બે કલાકમાં રાજ્યમાં સૌથી વધુ નોંધાયેલો વરસાદ છે, તેમ સ્ટેટ ઈમરજન્સી ઓપરેશન સેન્ટર, ગાંધીનગરની યાદીમાં જણાવાયું છે.