પરસેવાના રેગાળા ઉતારતા બફારાનો આખો દિવસ સામનો કયર્િ પછી રાજકોટ જિલ્લાના મોટાભાગના તાલુકાઓમાં વરસાદનો છાંટો પડ્યો નથી. જેતપુરમાં બે ઇંચ વરસાદ નોંધાયો છે. જ્યારે રાજકોટમાં 12 ઉપલેટામાં 14 ધોરાજીમાં અને જામકંડોરણામાં 15- 15 મિલીમીટર વરસાદ નોંધાયો છે.કંટ્રોલ રૂમના જણાવ્યા મુજબ પડધરીમાં માત્ર બે મિલીમીટર વરસાદ નોંધાયો છે. રાજકોટ જિલ્લાના અન્ય તાલુકાઓ જેવા કે ગોંડલ લોધિકા કોટડા સાંગાણી જસદણ વિછીયામાં ક્યાંય વરસાદના વાવડ નથી.છેલ્લા 24 કલાક દરમિયાન રાજ્યના 84 તાલુકામાં હળવોથી મધ્યમ અને અમુક જગ્યાએ ભારે વરસાદ પડ્યો છે. પરંતુ રાજકોટ શહેર અને જિલ્લામાં હજુ નોંધપાત્ર વરસાદ પડ્યો નથી અને તેના કારણે આખો દિવસ ગરમી -બફારાનું જોર રહે છે.