ગોંડલમાં બે દિવસ પુર્વે સ્ટેટ મોનીટરીંગ સેલે દરોડો પાડીને પકડી પાડેલી જાહેરમાં ચાલતી જુગાર કલબ બાદ સ્થાનીક ગોંડલ સીટી પોલીસની ઉંઘ ઉડી કે આબરૂ બચાવવા આળશ મરડી હોય તેમ ગોંડલમાં નાની બજારમાં આવેલા મેમણ જમાત ખાનામાં ધમધમતા ઘોડીપાસાના જુગાર પર છાપો મારી ગોંડલ તથા જેતપુરના ૧૭ જુગાર શોખીનોને ૧,૬૧,૫૦૦ના મુદ્દામાલ સાથે ઝડપી પાડયા છે.
ગોંડલના નાની બજારમાં આવેલા મેમણ જમાત ખાનામાં મોટીબજાર મતવા ઢોરાએ રહેતો જાવેદ નીશાર નામાણી નાલ ઉઘરાવી ઘોડીપાસાનો જુગાર રમાડતો હોવાની ગોંડલ શહેર પોલીસના જમાદાર મહેન્દ્રભાઈ વાળા,મહાવીરભાઈ બોરીચા, કોન્સ્ટેબલ ભાવેશભાઈ સાસીયા, હરેશભાઈ લુણી, કાંતીભાઈ જાદવ તથા રણજીતભાઈ બોરડ સહિતના સ્ટાફે દરોડો પાડયો હતો.
જેમાં ગોંડલના નાસીર ડાડા ખીરાણી, રમઝાન ઉર્ફે ભોપલો રજાક ગોરી, જોની કિરીટ બાટવીયા, રઈશ અસરફ ભીખરાણી, મુખ્તાર સીદીક ખીરાણી, અહેમદ હાસમ ખીરાણી, હમીદ ઈદરીસ નાગાણી, હત્પશેન ઉર્ફે ગભો જુમા આદમાણી, સંચાલક જાવેદ નીશાર નાગાણી તથા રજાક મામદ દલવાણીને પકડી પાડયા હતા.
આ ઉપરાંત જેતપુરથી રમવા આવેલા સુનીલ પરસોતમ જાદવ, દર્શન વિનુ ખાચરીયા, અખ્તર સીદીક મુસાણી, સાહીદ ઈસ્માઈલ લાખાણી, નઝીર ગની રફાઈ, વિશાલ બાબુ માધાણી, નઈમ અસરફ મારફતીયા મળી ૧૭ શખસોને પકડી પાડયા હતા. ઘોડીપાસાના બે નંગ, ૧૭૦૨૦૦૦ની રોકડ તથા મોબાઈલ ફોન મળી કુલ રૂા.૧,૬૧,૦૦૦ના મુદ્દામાલ સાથે ઝડપી લીધા હતા.