કેનેડાના વડાપ્રધાન જસ્ટિન ટ્રુડોની મુસીબતો ઓછી નથી થઈ રહી. પોતાના જ મંત્રીઓના રાજીનામા બાદ હવે તેમના પર પદ છોડવાનું ભારે દબાણ છે. તેમની લિબરલ પાર્ટીમાં પણ તેમની સામે વિરોધ શ થયો છે. તેમના વરિ પ્રધાનોએ રાજીનામું આપી દીધું છે અને બજેટને હેન્ડલ કરવા બદલ તેમની ટીકા કરી છે. સ્થિતિ એવી છે કે હવે સંસદમાં વિપક્ષી દળોએ પણ તેમના પર રાજીનામા માટે દબાણ બનાવવાનું શ કરી દીધું છે.
છેલ્લા એક દાયકાથી દેશનું નેતૃત્વ કરી રહેલા જસ્ટિન ટ્રુડોએ પણ તાજેતરના વર્ષેામાં મોંઘવારી અને જીવનનિર્વાહના ખર્ચ જેવા મુદ્દાઓને કારણે પોતાની લોકપ્રિયતા ગુમાવી દીધી છે. લિબરલ પાર્ટીમાં એવી કોઈ જોગવાઈ નથી કે તેમણે તરત જ તેમના પદ પરથી રાજીનામું આપી દેવું જોઈએ અથવા તેમને તાત્કાલિક પદ પરથી દૂર કરવાનો કોઈ રસ્તો નથી. જો કે, તેમના પક્ષને સંસદમાં અવિશ્વાસ દરખાસ્ત દ્રારા સત્તામાંથી બહાર કરી શકાય છે, જે પછી ચૂંટણી કન્ઝર્વેટિવ પાર્ટીની તરફેણમાં જાય તેવી શકયતા છે.
જો વિરોધ પક્ષ જસ્ટિન ટ્રુડો સામે અવિશ્વાસ પ્રસ્તાવ લાવે અને ટ્રુડોનો પક્ષ જીતે તો તે આગામી ચૂંટણી સુધી પીએમ પદ પર રહી શકે છે જે હવે અશકય છે. લિબરલ પાર્ટીના સાંસદોએ પણ ટ્રુડો સામે મોરચો ખોલ્યો છે, આ દરમિયાન સરકારમાં પ્રાકૃતિક સંસાધન મંત્રી જોનાથન વિલ્કિન્સન કહે છે કે, અમારે તેમને થોડો સમય આપવો જોઈએ જેથી તેઓ વિચારી શકે.
જો કે, ટ્રુડો તેમના પદ પરથી રાજીનામું આપશે કે નહીં તે હજુ સ્પષ્ટ્ર થયું નથી. દરમિયાન, તે સ્પષ્ટ્ર નથી કે જો તેઓ રાજીનામું આપે તો પણ કયો નેતા વચગાળાના પીએમ તરીકે સરકારની જવાબદારી સંભાળી શકે છે.
ટ્રુડો પછી લિબરલ પાર્ટીમાં જો કોઈ નેતા કેનેડાની કમાન મેળવી શકે છે, તો તે માર્ક કાર્ને હોઈ શકે છે, જેમણે બેંક ઓફ કેનેડા અને બેંક ઓફ ઈંગ્લેન્ડના વડા તરીકે પણ સેવા આપી છે. એવું કહેવામાં આવી રહ્યું છે કે તેઓ લાંબા સમયથી રાજકારણમાં આવવાની યોજના બનાવી રહ્યા છે, અને દેશના પીએમ બનવા માંગે છે. આગામી સંભવિત પીએમ પદ માટે અન્ય સંભવિત ઉમેદવાર ટ્રુડોના નવા નાણાં પ્રધાન ડોમિનિક લેબ્લેન્ક હોઈ શકે છે.