નવી દિલ્હી: કેન્દ્ર સરકારે સંસદના બજેટ સત્ર પહેલા આજે સર્વપક્ષીય બેઠક બોલાવી હતી. આ બેઠક સંસદ એનેકસીમાં યોજાઈ હતી. બેઠકમાં, કેન્દ્ર સરકારે તમામ પક્ષો સાથે આગામી કેન્દ્રીય બજેટ અંગે ચર્ચા કરી. કેન્દ્રીય સંસદીય બાબતોના મંત્રી કિરેન રિજિજુએ વિપક્ષી નેતાઓને સંસદ સત્ર દરમિયાન સહયોગ આપવા અપીલ કરી હતી જેથી ગૃહમાં ચર્ચાઓ સરળતાથી થઈ શકે. સંસદનું બજેટ સત્ર ૩૧ જાન્યુઆરીએ રાષ્ટ્ર્રપતિ દ્રૌપદી મુર્મુના સંસદના સંયુકત સત્રને સંબોધન સાથે શ થશે અને બીજા દિવસે ૧ ફેબ્રુઆરીએ સામાન્ય બજેટ રજૂ કરવામાં આવશે. સોમવારથી લોકસભા અને રાયસભામાં રાષ્ટ્ર્રપતિના અભિભાષણ પર ચર્ચા શ થશે.બજેટ સત્ર બે તબક્કામાં યોજાશે, પીએમ મોદી ૬ ફેબ્રુઆરીએ જવાબ આપશે. બજેટ સત્ર બે તબક્કામાં યોજાશે. પ્રથમ તબક્કો ૩૧ જાન્યુઆરીથી ૧૩ ફેબ્રુઆરી સુધી ચાલશે. આમાં નવ બેઠકો થશે. પીએમ મોદી ૬ ફેબ્રુઆરીએ રાયસભામાં ચર્ચાનો જવાબ આપી શકે છે. આ પછી બંને ગૃહો ૧૩ ફેબ્રુઆરી સુધી સ્થગિત કરવામાં આવશે. સત્રનો બીજો તબક્કો ૧૦ માર્ચથી શ થશે જે ૪ એપ્રિલ, ૨૦૨૫ સુધી ચાલશે. આ વખતે નાણામંત્રી નિર્મલા સીતારમણ સતત ૮મું બજેટ રજૂ કરશે. આમાં ૬ મોટી જાહેરાતો થઈ શકે છે

શક્યતા: કિસાન સન્માન નિધિ 6થી વધીને 12 હજાર થઈ શકે
પીએમ કિસાન સન્માન નિધિ વાર્ષિક 6,000થી વધારીને 12,000 કરી શકાય છે. આ યોજના હેઠળ, 9.4 કરોડથી વધુ ખેડૂતોને ત્રણ હપ્તામાં 2000 ટ્રાન્સફર કરવામાં આવે છે. આયુષ્માન ભારત યોજનાનો વ્યાપ પણ વધારી શકાય છે. હાલમાં, આર્થિક રીતે નબળા અને 70 વર્ષથી વધુ ઉંમરના વૃદ્ધોને આ યોજનાનો લાભ મળે છે.
જાહેરાતનું કારણ: સંસદની સ્થાયી સમિતિએ કિસાન સન્માન નિધિ વધારીને 12,000 કરવાની ભલામણ કરી છે. સરકાર વધુને વધુ લોકોને સારી આરોગ્ય સુવિધાઓ પૂરી પાડવા માંગે છે.


શક્યતા: ગ્રામીણ વિસ્તારોના સ્નાતક યુવાનો માટે ઇન્ટર્નશિપ
સંકલિત રાષ્ટ્રીય રોજગાર નીતિ લાવી શકાય છે. આમાં, રોજગાર પૂરા પાડતા વિવિધ મંત્રાલયોની યોજનાઓને એક છત્ર હેઠળ લાવવામાં આવશે. ગ્રામીણ વિસ્તારોમાં સરકારી કચેરીઓમાં કામ કરવા માટે ઇન્ટર્નશિપ કાર્યક્રમોની જાહેરાત થઈ શકે છે. આ ઇન્ટર્નશિપ ફક્ત સ્નાતક યુવાનો માટે જ હશે. વિદેશમાં નોકરી મેળવવામાં મદદ કરવા માટે એક આંતરરાષ્ટ્રીય ગતિશીલતા સત્તામંડળ બનાવી શકાય છે.
જાહેરાતનું કારણ: સીઆઈઆઈએ સંકલિત રાષ્ટ્રીય રોજગાર નીતિની માંગ કરી છે. બજેટ પૂર્વેની બેઠકમાં સીઆઈઆઈ સરકાર સાથે તેના સૂચનો શેર કરે છે. વિકાસ માટે મોટા પાયે રોજગારીનું સર્જન કરવાની જરૂર છે.


શક્યતા: મેડિકલ કોલેજોમાં 75 હજાર બેઠકોનો વધારો
આરોગ્ય ક્ષેત્રના બજેટમાં લગભગ 10 ટકા વધારો કરી શકાય છે. ગયા વર્ષે આરોગ્ય માટે 90 હજાર 958 કરોડ રૂપિયા આપવામાં આવ્યા હતા. એમઆરઆઈ જેવા તબીબી ઉપકરણો પરની આયાત ડ્યુટી ઘટાડી શકાય છે. હાલમાં તેના પર મૂળભૂત કસ્ટમ ડ્યુટી 7.5 ટકાથી 10 ટકાની વચ્ચે છે. સરકારે આગામી 5 વર્ષમાં મેડિકલ કોલેજોમાં 75 હજાર બેઠકો ઉમેરવાનું લક્ષ્ય રાખ્યું છે.
જાહેરાતનું કારણ: આરોગ્ય માળખાગત સુવિધાઓ સુધારવા માટે, આરોગ્ય બજેટમાં વધારો કરવો જરૂરી છે. સરકાર સારવારનો ખર્ચ ઘટાડવા માંગે છે. દેશમાં ગુણવત્તાયુક્ત શિક્ષણ પૂરું પાડવા માટે, વડા પ્રધાન નરેન્દ્ર મોદીએ ઓગસ્ટ 2024માં આ જાહેરાત કરી હતી.

શક્યતા: સસ્તા ઘર ખરીદવા માટેની કિંમત મયર્દિા વધી શકે
મેટ્રો શહેરો માટે પરવડે તેવા મકાનોની કિંમત મયર્દિા 45 લાખ રૂપિયાથી વધારીને 70 લાખ રૂપિયા કરવામાં આવી શકે છે. એટલે કે, જો કોઈ વ્યક્તિ 70 લાખ રૂપિયા સુધીનું ઘર ખરીદે છે, તો તેને સરકારી યોજના હેઠળ ડિસ્કાઉન્ટ મળશે. અન્ય શહેરો માટે મયર્દિા 50 લાખ રૂપિયા હોઈ શકે છે. હોમ લોનના વ્યાજ પર કર મુક્તિ વધારીને 5 લાખ રૂપિયા કરી શકાય છે. અત્યારે તે 2 લાખ રૂપિયા છે.
જાહેરાતનું કારણ: ભારતમાં 1.01 કરોડ પોસાય તેવા મકાનોની અછત છે. આ અછત 2030 સુધીમાં વધીને 3.12 કરોડ થઈ શકે છે. રિયલ એસ્ટેટ ક્ષેત્રે હોમ લોનના વ્યાજ પર કર મુક્તિ વધારીને 5 લાખ  કરવાની માંગ કરી છે.


શક્યતા: પેટ્રોલ અને ડીઝલના ભાવ ઘટી શકે
એક્સાઇઝ ડ્યુટીમાં ઘટાડો થવાથી પેટ્રોલ અને ડીઝલના ભાવમાં ઘટાડો થઈ શકે છે. હાલમાં, પેટ્રોલ પર 19.90 રૂપિયા અને ડીઝલ પર 15.80 રૂપિયા ડ્યુટી વસૂલવામાં આવે છે. ક્ધઝ્યુમર ઇલેક્ટ્રોનિક્સ સંબંધિત ભાગો પર આયાત ડ્યુટી ઘટાડી શકાય છે. હાલમાં તેના પર 20 ટકા ડ્યુટી વસૂલવામાં આવે છે. આના કારણે મોબાઈલ જેવી વસ્તુઓ સસ્તી થઈ શકે છે.
જાહેરાતનું કારણ: ભારતીય ઉદ્યોગ સંઘ (સીઆઈઆઈ) એ સરકારને પેટ્રોલ અને ડીઝલ પર એક્સાઇઝ ડ્યુટી ઘટાડવાની ભલામણ કરી છે. સીઆઈઆઈ એક ઉદ્યોગ સંગઠન છે.

શક્યતા: આવકવેરામાં 10 લાખ સુધીની વાર્ષિક આવક કરમુક્ત
નવા નિયમ હેઠળ, 10 લાખ  સુધીની વાર્ષિક આવક કરમુક્ત કરી શકાય છે. 15 લાખથી 20 લાખ રૂપિયાની આવક માટે 25 ટકાનો નવો ટેક્સ બ્રેકેટ રજૂ કરવામાં આવી શકે છે. હાલમાં તેમાં 6 ટેક્સ બ્રેકેટ છે. 15 લાખ રૂપિયાથી વધુની આવક પર 30 ટકા ટેક્સ છે. નવા રીજીમ હેઠળ મુક્તિ મયર્દિા 3 લાખ રૂપિયાથી વધારીને 5 લાખ રૂપિયા કરી શકાય છે.
જાહેરાતનું કારણ: વિશ્લેષકોના મતે, સરકાર ઇચ્છે છે કે મોટાભાગના લોકો નવી કર વ્યવસ્થા અપ્નાવે. નવી વ્યવસ્થા જૂની વ્યવસ્થા કરતાં સરળ છે. આમાં દસ્તાવેજોની કોઈ ઝંઝટ નથી.