રાજકોટમાં વધુ એક હથિયાર સાથે ફરતા યુવકની પોલીસે ધરપકડ કરી છે. મળતી માહિતી મુજબ શહેરના જુના માર્કેટિંગ યાર્ડ પાસે પોલીસે યુવકને રિવોલ્વર અને 6 કાર્ટિસ સાથે ઝડપી પાડ્યો છે. આ રિવોલ્વર યુવકના પિતાની જ નીકળી હતી. તેમના પિતા પાસે લાયસન્સવાળી રિવોલ્વર હોય પોતે સીન સપાટા નાખવા માટે સાથે રાખી ફરતો હતો. 

​​​​​​​યુવકના પિતા પણ કાર્યવાહી કરાશે
પ્રાપ્ત વિગત મુજબ, અવિનાશ ધીરૂભાઈ ખોરાણી નામનો યુવક તેમના જ પિતાનું લાયન્સવાળું હથિયાર લઈને શહેરમાં આંટાફેરા કરતો હતો. આજે પોલીસે તેને જુના માર્કેટિંગ યાર્ડ પાસેથી ઝડપી લીધો હતો અને તેમની પાસેથી રિવોલ્વર અને 6 કાર્ટિસ કબ્જે કર્યા છે. આ અંગે ડીસીબી પોલીસ સ્ટેશનમાં યુવક સામે ગુનો નોંધાયો છે. તેમજ યુવકના પિતા ધીરૂભાઈ ખોરાણી સામે પણ કાર્યવાહી કરવામાં આવશે.