નાસાના અવકાશયાત્રીઓ સુનિતા વિલિયમ્સ અને બુચ વિલ્મોર નવ મહિના અવકાશમાં રહ્યા પછી આજે વહેલી સવારે પૃથ્વી પર પાછા ફર્યા છે. બન્નેને અવકાશમાંથી પાછા ફરવા બદલ વિશ્વભરમાંથી અભિનંદન મળી રહ્યા છે. ભારતના વડાપ્રધાન નરેન્દ્ર મોદીએ પણ બંનેને એક્સ પર અભિનંદન આપ્યા છે.

તેમનો અટલ નિશ્ચય હંમેશા લાખો લોકોને પ્રેરણા આપશે
સુનિતા વિલિયમ્સ સાથેની એક તસવીર શેર કરતા ભારતના વડાપ્રધાન નરેન્દ્ર મોદીએ લખ્યું કે, પૃથ્વીએ તમને ખૂબ યાદ કર્યાં. તે તેમના ધૈર્ય, હિંમત અને અમર્યાદિત માનવ ભાવનાની કસોટી હતી. સુનિતા વિલિયમ્સ અને ક્રુ9 અવકાશયાત્રીઓએ ફરી એકવાર આપણને બતાવ્યું છે કે દ્રઢતાનો ખરેખર અર્થ શું છે. તેમનો અટલ નિશ્ચય હંમેશા લાખો લોકોને પ્રેરણા આપશે.

Welcome back, #Crew9! The Earth missed you.

Theirs has been a test of grit, courage and the boundless human spirit. Sunita Williams and the #Crew9 astronauts have once again shown us what perseverance truly means. Their unwavering determination in the face of the vast unknown… pic.twitter.com/FkgagekJ7C

— Narendra Modi (@narendramodi) March 19, 2025

મોદીએ ભારતની પુત્રી ગણાવી હતી
સુનિતા વિલિયમ્સે ઓછામાં ઓછી ત્રણ વખત ભારતની મુલાકાત લીધી છે, જેમાં 2007 અને 2013નો સમાવેશ થાય છે. સુનિતાને વર્ષ 2008માં પદ્મ ભૂષણથી પણ નવાજવામાં આવ્યા હતા. તાજેતરમાં, નરેન્દ્ર મોદીએ સુનિતા વિલિયમ્સને પત્ર લખીને તેમને ભારતની પુત્રી ગણાવી હતી. પીએમ મોદીએ સુનિતાને ભારત આવવાનું આમંત્રણ આપ્યું હતું.