નાઈજીરિયાની તેમની પ્રથમ મુલાકાત પૂર્ણ કર્યા પછી, વડા પ્રધાન નરેન્દ્ર મોદી આજે બ્રાઝિલ પહોંચ્યા છે. વડાપ્રધાન નરેન્દ્ર મોદી અહીં G-20 સમિટમાં ભાગ લેશે. PM મોદી તેમની ત્રણ દેશોની મુલાકાતના બીજા તબક્કામાં 18 અને 19 નવેમ્બરે બ્રાઝિલમાં આયોજિત 19મી G20 લીડર્સ સમિટમાં ભાગ લેશે.
વડાપ્રધાન નરેન્દ્ર મોદીનું બ્રાઝિલમાં ઉષ્માભર્યું સ્વાગત કરવામાં આવ્યું. બ્રાઝિલમાં ભારતીય સમુદાયના લોકો વડાપ્રધાન નરેન્દ્ર મોદીના સ્વાગત માટે એક હોટલની બહાર એકઠા થયા હતા.
પીએમ મોદીએ સોશિયલ મીડિયા પર કહી આ વાત
બ્રાઝિલ પહોંચ્યા બાદ પીએમ મોદીએ સોશિયલ મીડિયા પર લખ્યું, "હું G20 સમિટમાં ભાગ લેવા માટે બ્રાઝિલના રિયો ડી જાનેરો પહોંચ્યો છું. મને આશા છે કે આ સમિટ વિશ્વના વિવિધ નેતાઓ સાથે અર્થપૂર્ણ વાર્તાલાપ બની રહેશે."
વિદેશ મંત્રાલયે પણ સોશિયલ મીડિયા પર એક પોસ્ટમાં કહ્યું, "PM મોદી G20 બ્રાઝિલ સમિટમાં ભાગ લેવા માટે બ્રાઝિલના શહેર રિયો ડી જાનેરો પહોંચ્યા છે." આ દરમિયાન તેમણે એરપોર્ટ પર પીએમ મોદીના સ્વાગતની તસવીરો પણ શેર કરી હતી.
PM મોદી G20 સમિટમાં ભાગ લેશે
પીએમ મોદી બ્રાઝિલમાં 19મી જી-20 સમિટમાં ટ્રોઇકાના સભ્ય તરીકે ભાગ લેશે. ભારત બ્રાઝિલ અને દક્ષિણ આફ્રિકાની સાથે G20 ટ્રોઇકાનો ભાગ છે અને ચાલી રહેલી G20 સમિટ ચર્ચાઓમાં સક્રિયપણે યોગદાન આપી રહ્યા છે.
પીએમ મોદી આ સમિટમાં વૈશ્વિક મહત્વના વિવિધ મુદ્દાઓ પર ભારતનું વલણ રજૂ કરશે. જી-20 સમિટ દરમિયાન વડાપ્રધાન અનેક નેતાઓને મળવાના છે.
પીએમ મોદીએ નાઈજીરિયાની મુલાકાતને સાર્થક ગણાવી
આ પહેલા વડાપ્રધાન નરેન્દ્ર મોદી જી-20 સમિટમાં ભાગ લેવા માટે ગઈકાલે સાંજે નાઈજીરિયાથી બ્રાઝિલ જવા રવાના થયા હતા. તેમણે પશ્ચિમ આફ્રિકન દેશની તેમની મુલાકાતને અર્થપૂર્ણ ગણાવી હતી. આ ઉપરાંત નાઈજીરીયાના રાષ્ટ્રપતિ બોલા ટીનુબુએ વડાપ્રધાન મોદીને નાઈજીરીયાના સર્વોચ્ચ સન્માન 'ધ ગ્રાન્ડ કમાન્ડર ઓફ ધ ઓર્ડર ઓફ નાઈજર' (GCON)થી સન્માનિત કર્યા હતા.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationસુરતમાં જૈન મુનિ શાંતિસાગર દુષ્કર્મ કેસમાં દોષિત જાહેર, આવતીકાલે સજા
April 04, 2025 09:19 PMવડોદરા હિટ એન્ડ રન ઘટસ્ફોટ: રક્ષિત ચૌરસિયાએ ગાંજો પીને સર્જ્યો હતો અકસ્માત
April 04, 2025 09:12 PMજામનગર મહાનગરપાલિકાની એસ્ટેટ શાખા દ્વારા ગુલાબનગર રોડ પર કરાયેલ ગેરકારે દબાણ દૂર કરવામાં આવ્યું
April 04, 2025 06:36 PMઅમદાવાદમાં વકફ સુધારા બિલનો વિરોધ, ‘સરમુખત્યારશાહી નહીં ચાલે’ના સુત્રોચ્ચાર, 50ની અટકાયત
April 04, 2025 05:52 PMCopyright © 2022-2023 Aajkaal Daily
Developed by Rhythm Infotech